Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас хүүхэд, гэр бүлийн бодлогын шинэчлэл, хэрэгжилтийг хангах хүрээнд “Удирдах ажилтны манлайлал, чадавхыг бэхжүүлэх нь” арга зүйн хэлэлцүүлгийг салбарын удирдлагуудын дунд зохион байгууллаа.
Хэлэлцүүлэгт 21 аймаг, нийслэл, 9 дүүрэг, харьяа байгууллагуудын удирдлагууд оролцон хүүхэд, гэр бүлийн бодлогын шинэчлэл, хүүхэд, гэр бүлийн бодлогын хэрэгжилт, өнөөгийн нөхцөл байдал, хүүхэд, гэр бүлийн хөгжил, хамгааллын статистик, үзүүлэлт түүнийг тооцох аргачлал зэрэг асуудлыг хэлэлцэж, ирэх оны төлөвлөгөөгөө боловсруулжээ.
ГБХЗГ-ын сургалт, судалгаа, мэдээллийн төвийн захирал Г.Ариунчимэг: "Хүүхэд хамгааллын чиглэлээр салбар дундын асуудал учраас салбар бүрийн мэргэжилтнүүд оролцсон хамтарсан баг бол хүүхэд хамгааллын чиглэлээр бүх орон нутагт үйл ажиллагаа явуулдаг.
Энэнд гол тулгамдаж буй асуудлууд яг орон нутагт ямар байдаг вэ? гэхээр боловсон хүчний тогтворгүй байдал, мэргэжлийн боловсон хүчин дутмаг байдал ихээр нөлөөлдөг. Мөн орон нутагт ажиллаж байгаа мэргэжилтэн маань өөрөө хүүхдийн талаар мэргэшсэн хүн биш бол хүүхэд хамгааллын асуудлыг ойлгож ажиллахад бэрхшээл тулгардаг.
Бид арга зүйгээр бол байнга хангаж байна гэхдээ хүүхэд хамгааллын асуудлаар кейстэй ажиллана, хүүхдийн асуудлыг шийдэж ажиллана гэдэг бол яалтч үгүй хүүхэд хамгааллын мэргэжлийн боловсон хүчин ажиллах шаардлагатай байна" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
