Нийслэлийн Засаг даргын Тамгын газраас нийтийн тээврийн автобус худалдан авах тендерийг нээлтэй зарлаж, тендерт БНХАУ-ын "Yutong Bus" компани шалгарсан. Тус компани нийт 600 автобус үйлдвэрлэж, манай улсад ирэх оны нэгдүгээр сарын 31 гэхэд хүлээлгэн өгөх үүрэг хүлээсэн.
Энэ долоо хоногийн пүрэв гаригт эхний 35 автобусыг оруулж ирэхээр төлөвлөжээ. Уг автобусууд үйлдвэрээсээ Эрээн хотын чиглэлд хөдөлсөн талаар Нийслэлийн Засаг дарга Х.Нямбаатар мэдээлсэн юм.
Шинэ автобуснуудаа байрлуулахаар Морингийн даваанд 110, Тахилтад 55 автобусны багтаамжтай гараашуудыг удахгүй ашиглалтад оруулна. Шинэ автобус үйлдвэрлэх тутамд хилээр орж ирэхээс нь өмнө урьдчилсан хяналт, шалгалт хийнэ. Автобусуудын баталгаат хугацаа 24 сар байх бөгөөд ашиглалтын арван жилийн хугацаанд үйлдвэрлэгчийн зүгээс найдвартай сэлбэг хэрэгслээр хангах үүрэг хүлээх юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
