Даваа гарагийн үдээс хойш Японы төв бүсийн баруун эрэг дагуу нутагт 7.6 магнитудын хүчтэй газар хөдөлж, цүнамигийн эрсдэл үүссэн. Энэ газар хөдлөлтийн дараа 50 орчим чичиргээ бүртгэгдсэн байна. Газар хөдлөлтийн төв цэг Ишикава мужийн Важима хотоос зүүн хойд зүгт 30 км зайтай, газрын гадаргаас 16 км гүнд байсныг тогтоожээ.
Гамшгийн төв болсон Ишикава мужид дөрвөн хүн барилгын нурангид дарагдаж амиа алдсаныг Мягмар гарагийн өглөө орон нутгийн захиргаа мэдээлсэн байна. Ишикава болон бусад мужуудад нийтдээ 30 орчим хүн бэртэж гэмтжээ. Нуранги дороос хүмүүсийг аврах ажиллагаа үргэлжилж буй тул хохирлын тоо нэмэгдэж болзошгүй гэнэ.
Газар хөдлөлтийн үеэр хуучны модон байшин барилгууд нурж, гал түймэр гарсан байна. Тухайлбал Важима хотод 10 орчим байшинд түймэр гарсныг мэдээлжээ. Ишикава мужид нийт 32,500 өрх цахилгаан хангамжгүй болсон байна.
Өчигдрийн газар хөдлөлтийн үеэр есөн мужийн 97,000 орчим иргэнийг нүүлгэн шилжүүлэх захирамж гарсан байна. JR East төмөр замын компани Тохокү, Жоецү, Хокурикү чиглэлийн үйлчилгээгээ түр зогсоож, ANA, Japan Airlines компаниуд нийт 25 нислэгээ цуцалжээ.
Японы цаг уурын хүрээлэн энэ удаагийн гамшгийн төв болсон нутагт ойрын нэг долоо хоногийн дотор дахин ижил хэмжээний хүчтэй газар хөдлөлт давтагдаж болзошгүйг анхааруулсан байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
