УИХ-ын чуулганы /2024.01.11/ өчигдрийн хуралдаан дээр Эдийн засаг, хөгжлийн сайд Ч.Хүрэлбаатар хөрөнгө оруулалтын хуулийг хааж, боож байгаад бухимдлаа илэрхийллээ.
Эдийн засаг, хөгжлийн сайд Ч.Хүрэлбаатар: "Америк тивийг нээсэн юм шиг гэв гэнэт тэрийг гаргаж ирж их үнэмшилтэйгээр жүжиглэж, хоолойгоо шахаж ярьж байгаа. Нүднээсээ нулимс гаргаж ярьж байна. Гэхдээ тэрбум, тэрбум төгрөгөөр Монгол Улсын ирээдүйг харлуулдаг, Монголчуудыгаа хуваадаг, доромжилдог ийм зүйлүүдийг зогсоох цаг бидэнд ирсэн.
Монгол Улсыг эерэг, сайхан, гэрэлтэй байгаасай гэж бид нар шийдвэр гаргах ёстой. Энэ УИХ-ын гишүүдийн олонход итгэж байна. Ардчилсан нам, ХҮН, Монгол Ардын намын олон олон залуучууд үүнийг дэмжиж байгаа.
Өнөөдрийг хүртэл танкны үлгэрээр Монгол Улсын хөгжлийг хэдэн арван жилээр хойш нь татаж ирсэн хэсэг бүлэг хүмүүсийн гар хөл болж байгаа хүмүүс энэ хуулийг эсэргүүцнэ. Энэ ажиллагаанд хэдэн тэрбум төгрөг цацаж хүмүүсийг харлуулж байна. Гэхдээ Монголчуудын сэтгэлийг харлуулж чадахгүй шүү. Монгол Улсын гэрэлт ирээдүйг гэрэлгүй болгож чадахгүй шүү гэж би хэлмээр байна. Их хурлын дарга аа өнөөдөр хэлэлцүүлээд шийдвэр гаргая ямар нэгэн завсарлага авахгүйгээр шийдвэр хоёр талдаа гаргацгаая, ил тод болцгооё" гэв.
Бэлтгэсэн: Д.Номин-Эрдэнэ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
