Ардчилсан намын Ардчилсан эмэгтэйчүүдийн холбооны дэд ерөнхийлөгч Н.Одонгуа дараах мэдээллийг өглөө.
Тэрбээр "Өвлийн улиралд Улаанбаатарт жирэмсэн эмэгтэйчүүдийн үр зулбах эрсдэл дөрөв ихсэж байна. Энэ мэт бидний сэтгэлийг өвтгөсөн тоонууд байна. Ураг эхийн хэвлийд байхдаа хүчил төрөгчийн дутагдалд орсноор уналт таталттай хүүхдүүд олдмолоор өвдөж байгаа нь сэтгэл зовоож байна. 0-5 насны хүүхдүүдийн нас баралтын хамгийн том шалтгаан бол амьсгалын замын өвчлөл, уушгины хатгалгаа болчхоод байна. Нас баралтын шалтгааныг хоёр хэсэгт хуваан үзэх ёстой юм болов уу гэж боддог. 2016 оноос хойш Монгол Улсад хэрэгжиж буй хамгийн чухал ажил бол агаар орчны бохирдлыг бууруулах үндэсний хөтөлбөрийг хэрэгжүүлж эхэлсэн. 2020 оны судалгаанаас узэхэд тоосонцрын хэмжээ буурсан байгаа. Гэвч хүхэрлэг хийн хэмжээ агаарын стандартаас 47-53 дахин өссөн гэсэн судалгаа байна. 2022 оны судалгаагаар Монгол иргэдийн элэгний өвчлөлийн талаар судлахад агаарын бохирдол нөлөөлсөн байсан. Мөн 2023 онд МУИС-ийн багш Н.Амгалангийн хийсэн судалгаа нэлээд анхаарал татаж буй. Тухайлбал, шууд хавдар үүсгэдэг химийн нэгдлүүд илэрсэн. Иймд бид энэ асуудалд зүгээр суугаад байж болохгүй гэдгийг онцлон хэлмээр байна" гэв.
Бэлтгэсэн:Д.Номин-Эрдэнэ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
