Сар бүрийн 3 “Цусаа бэлэглэх өдөр”-ийн 78 дахь удаагийн арга хэмжээг Олон улсын Ротарагийн 3450 дүүргийн 9,10-р бүсийн Ротарачууд дэмжин оролцож, хамтын ажиллагааны санамж бичигт гарын үсэг зурах бөгөөд тус төвөөс “Цусаа бэлэглэж цохиолох зүрх бүхнийг аваръя” 3 сарын идэвхжүүлэлтийн аяны үр дүнг танилцуулж байна.

Сайн дурын авлагагүй цусны донорын эгнээг өргөжүүлэх, донор хадгалалтыг сайжруулах, донорын үйлсийг олон нийтэд сурталчлах, цусны доноруудыг алдаршуулах, урамшуулах чиглэлээр 2022 оны 6 сарын 30 хүртлэх хугацаанд хамтран ажиллах санамж бичигт ЦССҮТ-ийн ерөнхий захирал Н.Эрдэнэбаяр, Олон улсын Ротарагийн 3450 дүүргийн 9,10-р бүсийн захирал Н.Мягмаржаргал, Т.Болормаа нар гарын үсэг зурлаа.

ЦССҮТ-ийн санаачлагаар зохион байгуулдаг сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, алдаршуулж урамшуулах зорилгоор Сар бүрийн 3 “Цусаа бэлэглэх өдөр” “Хүрэл донор”-оор Нарлаг Улаанбаатар Ротари клубын гишүүн Цолмонгийн Өрнөхбаяр, “Бахархал 50” тэмдгээр Чулуунбаатарын Нэргүй “Бахархал 40” тэмдгээр Батмөнхийн Батбаяр ”Бахархал 40” тэмдгээр Даваасамбуугийн Хаш-Эрдэнэ, ”Бахархал 30” тэмдгээр Эрдэнэцогтын Цогтгэрэл “Бахархал 20” тэмдгээр Даваасүрэнгийн Билгүүнчог нар тус тус тодорч шагнагдлаа.

Болзол хангаж шагнагдсан доноруудад Монос хүнс ХК дархлаа дэмжих хүнсний бүтээгдэхүүний багц, Улаанбаатар смарт карт ХХК нэг сар нийтийн тээврээр үнэгүй зорчих эрхийн картыг бэлэглэлээ.

Тус өдөр цус цуглуулах суурин төвүүд дээр цусаа бэлэглэж буй цусны доноруудыг Жем интернэшнл ХХК өөрийн бүтээгдэхүүний дээжээр урамшуулж цаашид тогтмол хамтран ажиллахаа илэрхийллээ.

Аяны хугацаанд 6834 нэгж цус цуглуулж 2019 оны 6 сараас 9 сарын 3 хүртлэх хугацаанаас 24 хувиар, байнгын донорын эзлэх хувь 53,6% байсан бол 68% болж 14 хувиар тус тус өсгөсөн байна.

Харин цус цусан бүтээгдэхүүний үйлдвэрлэл 20243 нэгж болж 2019 оны мөн үетэй харьцуулахад 12,8%-иар, цус цусан бүтээгдэхүүний хэрэглээ 1510 нэгж буюу 11,6%-иар тус тус өссөн үзүүлэлттэй байна.

Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
