Онцгой байдлын ерөнхий газраас ослын нөхцөл байдлын талаар мэдээлэл өглөө.
ОБЕГ-ын дарга Г.Ариунбуян "Галын шаталтад өртөж байсан иргэдийг нүүлгэх арга хэмжээг шуурхай зохион байгуулсан. 23 том хүн, 17 хүүхдийг Баянзүрх дүүргийн 13-р хороонд байрлалтай "Күүпер" зочид буудалд нүүлгэн шилжүүлж аюулгүй байдлыг хангасан.
Нийгмийн хамгаалал, хөдөлмөрийн яамнаас тухайн иргэдийн амьжиргааг дэмжих, буцалтгүй тусламж дэмжлэг үзүүлэх чиглэлээр холбогдох арга хэмжээг авч ажиллаж байна.
Урьдчилсан байдлаар тухайн түймэрт 3 хүн нас барсан. Мөн түлэнхийн төвд 10, цэргийн төв эмнэлгийн хордлогын тасагт 1, эх хүүхдийн үндэсний төвд 3 хүүхэд хүргэгдэж эмнэлгийн тусламж үйлчилгээ авсан. Галын шалтгааны урьдчилсан байдлыг дүгнэж үзэхэд байгалийн шингэрүүлсэн хий тээвэрлэж явсан автомашин тойрог дээр хөдөлгөөн үйлдэх явцдаа хөдөлгөөний зай анзаарахгүйгээр давхар хийн эргэлт хийж суудлын автомашинтай мөргөлдсөнөөр их хэмжээний галын шаталт үүсэж дэлбэрэлт үүссэн.
Энэ дэлбэрэлт үүссэнээр Баянзүрх дүүргийн 63-р ангийн онцгой байдлын 3 албан хаагч харамсалтайгаар амь насаа алдлаа. Албан хаагчдын гэр бүл, төрөл төрөгсдөд нь гүн эмгэнэл илэрхийлье" гэлээ.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
