Өнгөрсөн шөнө буюу нэгдүгээр сарын 24-ний 01:00 цагийн орчимд “Дүнжингарав” худалдааны төвийн урд гарсан осолтой холбоотойгоор НОК-оос мэдээлэл хийлээ.
Нийслэлийн Засаг даргын хэвлэлийн төлөөлөгч Н.Сугар: "Нийслэлийн онцгой комиссын дэд даргаар ахлуулсан шуурхай штаб байгуулагдан ажиллаж байна. Нийслэлийн зүгээс хийж байгаа ажлууд бол шөнийн гал унтраах газраас ус суваг удирдах газраас усаар хангасан, 207 оршин суугчдад эрүүл мэндийн үзлэг үйлчилгээ үзүүлсэн. Мөн 62 өрхийн 178 иргэн галын ослын улмаас эдийн засаг, эрүүл мэндээрээ хохирсон гэх мэдээлэл байна. Эдгээр иргэдийн нийгмийн баталгааг нь яаж хангах вэ? гэдэг асуудал хөндөгдөж байгаа. Одоогийн байдлаар 11 айлын 43 иргэн зочид буудалд хүргэгдсэн гэсэн ийм мэдээлэл байна. Хуулийн байгуулагын дүгнэлт гарсны дараа дагалдах гэм хор хохирлыг хэрхэн барагдуулах талаарх асуудлууд нийслэлийн онцгой комисс дээр судалгааны ажлууд хийгдээд явж байна. 28 шатсан машиныг зөөвөрлөх ажлууд хийгдэнэ. Мөн осол болсон газрыг цэвэрлэх, ариутгах барилга байгууламжийг дахин ашиглах боломжтой эсэхийг шалгах ажлууд явагдана" гэв.
Бэлтгэсэн: Т.Сарантуяа
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
