Сүүлийн үед автобусны буудал, автобус доторх бариул, автобусны гадна талд, хана, хашаанд ЛГБТ сурталчилгаа ихээр наасан харагдах боллоо.
ЛГБТ бол лесбиян, гей, бисексуал, трансжендэр гэсэн үгний товчлол. Эдгээр иргэд бол нийгмийн цөөнх. Бэлгийн өөр чиг хандлагатай иргэд. Монголчууд хүний эрхийг дээдэлж бэлгийн өөр чиг хандлагатай, нийгмийн цөөнх болсон иргэдийг ялгаварлан гадуурахгүй байхын зэрэгцээ тэдний эрхийг хамгаалахад дуу хоолойгоо нэгтгэж эхэлсэн.
Гэвч автобус, автобусны буудал гээд хотын гудамжинд тэр чигтээ лесбиян, гей, бисексуал, трансжендэр гэсэн үгтэй рекламны самбар байршуулсан нь олны шүүмжлэлийг дагуулж байна. Ялангуяа автобусаар өсвөр насны хүүхдүүд, оюутнууд ихээр зорчдог тэдэнд ЛГБТ-ийг сурталчлах ямар зорилго байв? гэх асуулт ч ургаж байна. Тэр дундаа асар их мөнгө зарцуулсан энэ рекламны цаад санхүүжүүлэгч нь хэн байв? гэдэг нь улам анхаарал татах!
ЛГБТ төв ингэж сурталчлах хэмжээний байгууллага биш. Угтаа бол сурталчлах ямар ч шаардлага байхгүй. Гэтэл хичээл сургууль орж эхлэхтэй зэрэгцээд хот даяар бэлгийн цөөнхийг сурталчилж байгаа нь улам “олуулаа” болохоор зорьж байгааг илтгэх шиг.
Ийм бэлгийн чиг хандлага төрмөл бөгөөд олдмол байдаг. Гэвч өөрийн эрхээр бусдын эрхийг хязгаарлаж өсвөр насны оюутан залуусыг “уруу татах” эрх тэдэнд байхгүй.
Хотын захиргаанаас Автобус дээрх, автобусны буудал дээрх бүх рекламыг авлаа. Гэтэл хүний эрхийн мэдрэмжгүй хэмээн сошиал даяар “өмөөрөв”. Үнэндээ лесбиян, гей, бисексуал, трансжендэр нарыг өмөөрсөн юм биш. Нэг даргыг баалах шалтгаан байв.
Өнөөдөр цахим орчин дахь цензургүй мэдээллийн урсгал хөвөрч, үүнээс болж хүүхэд багачууд гэмт хэрэгт өртөх, гэмт хэрэг үйлдэх, буруу зүйлийг турших, хэрэглэх гээд сөрөг үр дагавар гарч байгааг олон жишээ баримт харуулсаар байна.
Иймд үед хаана реклам самбарт юу тавигдаж байгааг хянаж, цензурдах нь нэг талаас зөв жишиг. Үгүй бол мөнгөтэй хүн хаана, юу ч рекламдаж болох нь.
Таны охин, хүү өсвөр насандаа хэн нэгэнд уруу татагдаж, мэдээллийн цензургүй урсгалд автаж, буруу үйлдэл хийвэл яах вэ? Эцэг эхчүүд та нэг бодоод үзээрэй.
Асар их хэмжээний санхүүжилтийг гаргаж ЛГБТ-ийг рекламдсан цаад эздийг олъё. Чухам ямар зорилго тэд агуулав?
Төр.мн
Б.БАДАРЧ
Like
3
Зөв
1
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
