Нийслэлийн газар зохион байгуулалтын албаны дарга Г.Мөнхбаатар: "Монгол Улс ардчилсан, чөлөөт зах зээлийн нийгэмд шилжсэнээр газрын харилцааны салбарыг шинэчлэн хөгжүүлсэн,тэр дундаа иргэддээ газар хэмээх хамгийн бодит өмчийг үндсэн хөрөнгө болгон ашиглах, өмчөө эдийн засгийн эргэлтэд оруулах боломж олгосон, иргэдийн амьжиргааг дээшлүүлэх зорилгоор хийсэн томоохон шинэтгэлийн нэг нь иргэдэд газрыг нэг удаа үнэгүй өмчлүүлэх арга хэмжээг авч хэрэгжүүлсэн билээ.
Монгол Улсын иргэнд газар өмчлүүлэх тухай хууль анх 2002 онд батлагдаж, 2003 оноос хэрэгжиж эхэлснээр өдгөө 21 жилийн ой тохиож байна. Энэ хугацаанд Улсын хэмжээнд 619 мянган иргэнд газар өмчлүүлснээс нийслэлд 208 мянган нэгж талбарт 381 мянган иргэнд газар өмчлүүлсэн байна.
Манай алба 2023 оныг ТЕХНОЛОГИД СУУРИЛСАН ГАЗРЫН ХАРИЛЦАА зорилтод жил болгон зарласан ажилласан. Дээрх зорилтын хүрээнд өмчилсөн газрын анхны олголтын түүхчилсэн кадастрын зургийн нөхөн бүрдүүлэлтийн ажлыг зохион байгуулж ажиллаа. Ингэснээр өмчилсөн газрыг эдийн засгийн эргэлтэд оруулах,үнэ цэнийг нэмэгдүүлэх нөхцөл бүрдсэн юм" гав.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
