Монгол улсын хувьд хүн амын өвчлөл, нас баралтын тэргүүлэх шалтгаан болж буй хавдар, зүрх судасны өвчнийг бууруулах чиглэлээр олон жил үндэсний хөтөлбөр, стратеги хэрэгжүүлж байгаа ч уг эмгэгүүд тэргүүлэх шалтгаан болсон хэвээр байгаа нь одоогийн хэрэгжүүлж буй үйл ажиллагааг эрс өөрчлөх, шинэ менежмент бүхий үйл ажиллагаа шаардлагатайг харуулж байна.
Жилд 5650 орчим иргэн зүрх судасны эмгэгийн улмаас нас барж байна.
Хүн амыг гуравны нэгийг эзэлж буй 15 хүртэлх насны хүүхдийн дунд зүрхний эмгэгийн эрт илрүүлэх, оношлох, улмаар эмчилгээнд хамруулах, уг эмгэгт хүргэдэг эрсдэлийг бууруулах эрүүл мэндийн боловсрол олгох зэрэг интервенцийг цэцэрлэг, сургууль, гэр бүлд чиглүүлэн хэрэгжүүлэх нь илүү үр дүнтэй байдаг.
Эдгээр нөхцөл байдалтай уялдан ‘’Эрүүл Монгол Хүн’’ хөдлөгөөний хүрээнд 6 настангуудыг зүрх судасны эмгэгийн илрүүлэгт хамруулан, эмгэг бүхий хүүхдийн эрт оношлогоо, эмчилгээнд хамруулах, тасралтгүй хянах нэгдсэн тогтолцоог бүрдүүлэх шинжлэх ухааны нотолгоог бүрдүүлэн бодлогын түвшинд шийдвэрлүүлэх, хэрэгжүүлэх зорилгоор уг ажлыг эхлэн хэрэгжүүлж байна.
ЗОРИЛТ:
1. Сонгосон аймаг, дүүргийн 6 настай сурагчдын бие бялдарын хөгжлийг үнэлэх
2. Хүүхэд бүрт зүрхний цахилгаан бичлэг хийн зүрхний эмгэгийг эрт илрүүлэх
3. Сумын эрүүл мэндийн төв, өрхийн эрүүл мэндийн төвийн эмч, мэргэжилтэнг дээрх 2 чиглэлээр үзлэг, үнэлгээ хийх арга зүйд сургах
4. Зүрхний цахилгаан бичлэгээр эмгэг өөрчлөлт илэрсэн хүүхдүүдийг зүрхний хэт авиан оношлогоо хийж, хяналтын шатлалыг тодорхой болгох
Тус ажлын үргэлжлэл өнөөдөр Хан-Уул дүүргийн нэгдсэн эмнэлэгт болж 350 зургаан настанд зүрхний үзлэг шинжилгээ хийгдлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
