Хууль зүй, дотоод хэргийн сайд Б.Энхбаяр Бүгд Найрамдах Хятад Ард Улс (БНХАУ)-ын Засаг захиргааны онцгой бүс Макаод ажлын айлчлал хийх үеэрээ Макаогийн Аюулгүй байдлын асуудал эрхэлсэн Нарийн бичгийн дарга Вун Сио Чактай уулзлаа.
Уулзалтын эхэнд Хууль зүй, дотоод хэргийн сайд Б.Энхбаяр БНХАУ-ын Засаг захиргааны онцгой бүс Макао нь аялал жуулчлалд суурилсан хөгжлийн бодлогыг амжилттай хэрэгжүүлж буйг онцлоод Монгол Улсын Засгийн газраас мөн аялал жуулчлалыг хөгжүүлэхэд онцгой анхаарч ажиллаж байгааг дурдлаа. Түүнчлэн БНХАУ-ын Засаг захиргааны онцгой бүс Макаод нэвтэрч буй Монгол Улсын иргэдийг хил, гаалийн нарийвчилсан шалгалт явуулж байгааг анхаарч, энэ асуудлыг шийдвэрлэхэд хамтран ажиллахад нээлттэй гэдгийг Б.Энхбаяр сайд тодотгов.
Уулзалтын төгсгөлд талууд хулгайн гэмт хэргээс урьдчилан сэргийлэх, таслан зогсоох чиглэлд хууль хяналт болон холбогдох байгууллагуудын уялдаа холбоог ханган мэдээлэл солилцох, энэ чиглэлээр үр дүнтэй хамтран ажиллах асуудлаар санал солилцов.
Макаогийн хил, гаалийн хяналт шалгалт чангарсан нь Макаод ирж буй Монгол Улсын зарим иргэн гэмт хэрэгт холбогдож буйтай холбоотой. Сүүлийн 5 жилийн хугацаанд Макаод Монгол Улсын нийт 169 иргэн гэмт хэрэгт холбогдсон бөгөөд олонх нь хулгайн гэмт хэрэг байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
