Мөсөнд авиралтын ДАШТ-ээс ах дүү хоёр мөнгө, хүрэл медаль хүртжээ

Спорт

Мөсөнд авиралтын ДАШТ-ээс ах дүү хоёр мөнгө, хүрэл медаль хүртжээ

Төр.мн I www.tur.mn

2024-03-01

Биеийн Тамир, Спортын Улсын Хороо (БТСУХ)-ны дарга О.Баттулга өнөөдөр мөсөнд авиралтын спортоор дэлхийн цомын цуврал тэмцээн болон Дэлхийн Аварга Шалгаруулах Тэмцээн (ДАШТ)-ээс медаль хүртсэн баг тамирчид, Монголын Уулчдын Үндэсний Холбооны удирдлагуудыг хүлээн авч уулзлаа.

Баг тамирчдыг хүлээн авах арга хэмжээний үеэр БТСУХ-ны дарга О.Баттулга, Бодлого төлөвлөлтийн газрын дарга О.Гэрэл нар зарим тамирчдыг шагнаж урамшуулсан.

Тодруулбал Биеийн тамир, спортын Жуух бичгээр У.Анар, Ж.Амина, А.Зоригтбаатар нарыг, Олон улсын хэмжээний мастер цол тэмдгээр Н.Сэлэнгэ, Б.Мөнхбаатар нарыг шагнасан юм.

Канадын Эдмонтон хотод болсон мөсөнд авиралтын Дэлхийн Аварга Шалгаруулах Тэмцээн (ДАШТ)-д Монголын баг амжилттай оролцож хос медаль хүртсэн билээ. Тухайлбал эрэгтэйчүүдийн хурдны төрөлд Н.Хэрлэн мөнгө, эмэгтэйчүүдийн хурдны төрөлд Н.Сэлэнгэ хүрэл медаль хүртсэн юм. Мөн эрэгтэйчүүдийн хурдны төрөлд дэлхийд чансаагаар Ч.Мандахбаяр тэргүүлж байна.

Эдгээр тамирчдыг болон залуучуудын ангилалд амжилт гаргасан залуусыг холбооноос нь шагнаж урамшуулав.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Мөсөнд авиралтын ДАШТ-ээс ах дүү хоёр мөнгө, хүрэл медаль хүртжээ

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд