Нийслэлийн хэмжээнд үүссэн халиа тошингийн нөхцөл байдал, хариу арга хэмжээний талаар өнөөдөр Нийслэлийн Онцгой Комиссоос мэдээлэл хийлээ.
УБЗАА-ны Хотын инженерийн байгууламжийн хэлтсийн дарга М.Балдандорж: "Өнгөрсөн 20 орчим жилийн хугацаанд суурьшлын бүсийн газар зохион байгуулалт, барилгажилтын асуудлыг стандарт, нормд нийцүүлээгүйгээс өнөөдрийн асуудлууд үүсээд байна. Одоо байгаа нөхцөл байдлыг дордуулахгүйгээр арга хэмжээ авч ажиллаж байна. Үерийн эрсдэлтэй байршилд буусан айлуудад жилийн жилд шаардах хуудас өгдөг ч зундаа ногоо сайн ургадаг таатай суурьшлын бүс болчихдог учир хөдөө орон нутгаас шилжиж ирж байгаа хүмүүст зараад байгаа нөхцөл байдал ажиглагддаг.
Иймд энэ онд Улаанбаатар хотын үерийн болон гамшгийн эрсдэлтэй байршлуудыг олон нийтэд нээлттэй болгож зарлана. Иргэд мэдээлэл дутмагаас болж эрсдэлд орж байна. Цогц систем хийх ажил үргэлжлээд явж байгаа" гэв.
Аяны хүрээнд иргэдэд шар усны үерээс урьдчилан сэргийлэх, аюулгүй байдлаа хангах мэдлэг, мэдээллийг түгээнэ. Нийслэлийн хэмжээнд шар усны үерт өртөх эрсдэлтэй бүсэд 1120 талбарт 1487 айл өрх байна. Эдгээр өрхийн аюулгүй байдлыг хангах чиглэлээр мэргэжлийн байгууллагуудаас холбогдох арга хэмжээг авч, аюулгүй байдлыг ханган ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
