Зам, тээврийн хөгжлийн сайдаар ажиллаж байсан Б.Энх-Амгалан, Ерөнхийлөгчийн Тамгын газрын дарга асан З.Энхболд нарт холбогдох эрх мэдэл, албан тушаалын байдлаа урвуулан ашиглаж, бусдад давуу байдал бий болгосон гэх хэргийн шүүх хуралдаан Сүхбаатар дүүргийн эрүүгийн хэргийн анхан шатны шүүхэд болж шүүх шийдвэрээ гаргалаа. Тэднийг нийтийн албанд томилогдох эрхийг таван жилийн хугацаагаар хасаж, 40 сая төгрөгөөр торгох ялаар шийтгэв.
Шүүхийн шийдвэрийн талаар Ерөнхийлөгчийн Тамгын газрын дарга асан З.Энхболд байр сууриа илэрхийлэв.
З.Энхболд: “Лам олдохгүй бол буцахдаа зална гэдэгчлэн Зам, тээврийн хөгжлийн сайд асан Б.Энх-Амгалангийн 2019 оны гаргасан хоёр тушаалыг гаргахад хатгасан гээд шүүх шийдвэр гаргалаа. Хатгана гэдэг нь ядаж уулзаад, утсаар яриад, бодит үйлдэл хийхийг хэлнэ. Гэтэл үннийг тоохгүйгээр шүүх шийдвэр гаргалаа. Намайг Страто компанитай ямар ч холбоогүй гэдгийг прокурорын газраас тогтоосон. Тэр газар өөр хүнийх, эцсийн ашиг хүртэгч нь өөр хүн. Тэр компанид миний хамаатан ажиллаж байсан. Хамаатан нь ажилладаг гээд хамаатуулж ялладаг анхны тохиолдолд боллоо.
2015 онд Эрдэнэс тавантолгойг MCS, Шинхуа компанид өгөөгүйн тулд ийн гүтгэлэг явсан нь 9 жилийн дараа ял боллоо. Дараа дараачийн шатны шүүх шийдвэрлэх ёстой”. Би шүүх хуралд ирж тэр тогтоолыг ямар учиртайг мэдэж авлаа” гэв.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
