2020 нэгдүгээр сард “Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай” болон уг хуулийг дагаж мөрдөх журмын тухай хууль батлагдаж тэтгэврийн зээлтэй ахмадуудын зээлийг тэглэсэн. Тухайн үед тэтгэврийн зээлгүй байсан ахмадууд зээл тавиагүйгээрээ хохироод үлдлээ гэж барьцан жагсаал цуглаан хүртэл хийж байсныг уншигч та санаж байгаа байх. Тэгвэл тэтгэврийн зээлээ тэглүүлээгүй ахмадуудад төрөөс нэг сая төгрөг олгохоор боллоо. Энэхүү нэг сая төгрөгийн эрхийг ваучер хэлбэрээр олгох ажил 2021 оны тавдугаар сарын 08-наас эхэлсэн. Тус нэг сая төгрөг өгөхөд шаардагдаж байгаа 216 тэрбум төгрөгийн санхүүжилтийг “Эрдэнэс Монгол” “Эрдэнэс силвер ресурс” компани шийдвэрлэжээ. Ахмадуудад олгож байгаа нэг сая төгрөгийг ваучер хэлбэрээр тараасны ард эдийн засаг бууралттай байгаа үед заавал үнэт цаасыг хэвлэж мөнгө үрэх шаардлага байгаа юу гэдэг асуудал хөндөгдөж байгаа. Тэгвэл ваучер хэвлэхтэй холбоотой ноцтой баримт хэвлэлүүдээр ил боллоо. Ваучер хэвлэх компанийг “Эрдэнэс Монгол” ХХК сонгосон бөгөөд 2020 оны гуравдугаар сарын 03-ны өдөр хэвлэлийн хэд хэдэн компаниас ваучер хэвлэх үнийн санал авчээ. Тухайн компаниуд 30-60 сая төгрөгний үнэ санал болгосон ч Гадаад харилцааны сайд Б.Батцэцэгийн “Монголын үнэт цаас хэвлэл” ХХК сонгогджээ. Үүнээс харахад Гадаад харилцааны яамны сайд Б.Батцэцэг өөрийн хамаарал бүхий компанид давуу эрх олгосон байж болзошгүй байгаа нь харагдаж байна. ГХЯ-ны сайд Б.Батцэцэг нэр бүхий томоохон хэвлэлийн компаниудтай хамааралтай бөгөөд “Аз хур”, “Мөнхийн үсэг”, “Монголын үнэт цаас хэвлэл” зэрэг компаниуд нь төрөөс 41 удаа 3 тэрбум 259 сая төгрөгийн тендер авч байсныг өмнө нь хэвлэлүүд мэдээлж байсан. Ваучер хэвлэлтийн ажлыг хэтэрхий өндөр үнээр гүйцэтгүүлсэн тухай асуудал АТГ дээр очсон ч дарагдсан байгаа нь Б.Батцэцэг сайдын эрх мэдэл, нөлөөг харуулж байна уу гэлтэй. Эрх мэдэл, албан тушаалаа давуу байдал болгон ашиглаж энгийн бизнес эрхлэгчдээ дээрэлхдэг энэ байдал хэзээ арилах вэ? Ардчиллын үнэт зүйл болох тэгш байдал хаана байна?
Баримт 1:
“Монголын үнэт цаас хэвлэл” ХХК-г сонгон тус компанийн данс руу 2020 оны гуравдугаар сарын 19-нд “Эрдэнэс Монгол” ХХК-иас 297,180,255 төгрөгийг БОНД ХЭВЛЭЛТ утгатайгаар шилжүүлжээ.
Баримт 2:
2020 оны тавдугаар сарын 06-нд дахин 295,422,315 төгрөг шилжүүлсэн байна. Ингээд бондын ваучерний хэвлэлт нэрийдлээр хагас тэрбум буюу 592,602,570 төгрөгийг “Монголын үнэт цаасны хэвлэл” компани авчээ.
ТӨР.МН
С.Нандинцацрал
Like
0
Зөв
0
2
Буруу
0
Воов
0
Уйтгартай
0
Дуртай
buur 1 yaaaj iij baigaad l mongo husah yumaa llruud. zgr dans ruu ni hiigdeh yumiig uhsendee ingej hevlej mongo urdeg bnaa. ene dundaas hediin hussan bol.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
