Монгол Улсын Ерөнхийлөгчийн ивээл дор зохион байгуулагдаж байгаа “Нийгмийн хөгжилд эрэгтэйчүүдийн оролцоо манлайлал” үндэсний хоёрдугаар чуулганаар эрэгтэйчүүдийн хөдөлмөр эрхлэлт, эрүүл мэнд, нийгмийн асуудлыг хөндөн хэлэлцлээ.
Чуулганаар Монгол Улсын ерөнхийлөгчийн Эрүүл мэнд, Спорт, Нийгмийн бодлогын зөвлөх Т.Мөнхсайхан “Эрүүл Монгол хүн-Эрэгтэйчүүдийн эрүүл мэнд” сэдвээр илтгэл хэлэлцүүллээ.
Эрэгтэйчүүдийн дундаж наслалт 66.7 байгаа нь эмэгтэйчүүдээс 10 насаар бага насалдаг болохыг судалгаа харуулж байна. Нийт нас баралтын 60.4 хувийг эрэгтэйчүүд эзэлдэг бол эрчүүдийн 52.2 хувь нь хөдөлмөрийн насандаа нас барж байна. Зам тээврийн осолд өртөгсдийн 69 хувь нь эрэгтэйчүүд байгаагийн дотор Мотоциклын осолд өртөгсдийн 93, явган зорчигдын 61 хувийг эрэгтэйчүүд эзэлж байна.
Анхаарал татаж буй тоон үзүүлэлтийг харахад амиа хорлож буй иргэдийн 85 хувийг эрэгтэйчүүд эзэлж байгаа нь эрчүүдийн сэтгэл зүйн асуудалд анхаарах цаг болсныг зөвлөх Т.Мөнхсайхан онцоллоо.
Мөн Эрчүүдийн дунд хоол боловсруулах эрхтэн тогтолцоо болон зүрх судасны эмгэг түгээмэл байна. Сэргийлж болох өвчлөл тэр дундаа осол аваарт өртөх эрэгтэйчүүдийн тоо өссөөр байгааг онцолж эрчүүдээ эрт илрүүлэгт хамруулах тогтолцоо, тэдний эрүүл зан үйлд сургах, хандлагыг нь өөрчлөх нь чухал гэдгийг онцлов.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
