Улс төрийн намууд сонгуульдаа бэлдсээр байна. Улс төрчид ч бэлтгэлээ базаасаар байгаа. Энэ удаагийн сонгууль бүсчилсэн тойргоор явагдаж, намын жагсаалтад нэр дэвшигчид жагсана.
Өнөөдөр /2024.03.23/ эрх барьж буй МАН бага хурлаа хийж мөрийн хөтөлбөрөө хэлэлцэн баталж байна. Тэгвэл одоогийн байдлаар МАН-ын гишүүдээс 100 гаруй хүн УИХ-ын сонгуульд нэр дэвших хүсэлтээр албан ёсоор бичгээр илэрхийлжээ.
Энэ талаар МАН-ын Нарийн Бичгийн дарга Н.Энхбаатараас тодруулахад “МАН-ын дэргэхэд хяналтын ерөнхий хороогоор сонгуульд нэр дэвшигчдийг тодруулах хүртэлх хугацаанд баримтлах түр журмыг баталсан. Энэ журмын дагуу нэр дэвших хүсэлтэй байгаа намын гишүүд намын удирдах зөвлөлд хандаж хүсэлтээ илэрхийлэх ёстой.
Үүний дагуу 100 гаруй хүн нэр дэвших хүсэлтээ илэрхийлээд байна. Эдгээр хүмүүс түр журмыг баримталж иргэд сонгогчдод хүндэтгэлтэй хандах, хүний эрхийг дээдэлсэн байдлаар уулзалт, хэлэлцүүлэг зохион байгуулах, намын эв нэгдлийг хүндэтгэх зэрэг асуудлыг журамд тусгаж өгсөн. Дөрөвдүгээр сарын 1 хүртэл нэр дэвших хүсэлтийг авна” гэлээ.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
