3х3 сагсан бөмбөгийн Ази Тивийн Аварга Шалгаруулах тэмцээн 5 хоногийн турш Сингапур улсын “OCBC Arena”-д зохион байгуулагдаж Монголын шигшээ баг хос хүрэл медаль хүртлээ.
Манай эрэгтэй шигшээ багийн хувьд энэ тэмцээний “B”хэсэгт Тайланд болон Шри-Ланка улсын багуудтай учраа таарсан. Үндсэн бүрэлдэхүүн олимпын эрхийн төлөөх тоглолтод анхаарч энэ удаагийн тивийн аваргад манай улс залуу баг илгээсэн ч хэсгийн шатнаас хоёр хожил авч тэргүүлэн хасагдах шатанд шалгарсан. Улмаар Катарын шигшээг илт илүүрхэн буулган авч хагас шигшээ шатагд гарсан.
Тэднийг мөнхийн өрсөлдөгч Австрали улсын шигшээ баг нөгөө талд хүлээж байсан юм. Австралийн шигшээ багийн холын зайн шидэлтүүд энэ тоглолтод өндөр хувьтай унаж, эцэст нь манай залуус хүрэл медалийн төлөөх тоглолтод хүчирхэг Шинэ Зеландын шигшээ багтай учраа таарлаа.
Өнгөрсөн удаагийн Азийн аваргын хүрэл медальт Шинэ Зеландын эсрэг манай багийн ахлагч Ариунболдын Ананд гайхалтай байж, 4 холын зайн шидэлтээ байнд нь тусгаж, нийт 15 оноог өөрийн нэр дээр бичүүлснээр 21:18-ын харьцаатай ялалт байгууллаа.
Харин Монголын эмэгтэй шигшээ баг хүчирхэг БНХАУ-ын шигшээ багийг шилдэг наймд хожиж, аваргаа хамгаалагч Австралийн шигшээ багт хожигдсон ч хүрэл медалийн төлөөх тоглолтод Тайванийн шигшээг илт илүүрхсэн юм. Ингэснээр эмэгтэй шигшээ баг 2013 оноос хойш анх удаа буюу 11 жилийн дараа тивийн аваргаас медаль хүртлээ.
Монголын эрэгтэй шигшээ баг:
А.Ананд
А.Азбаяр
С.Биндэръяа
Ч.Тэмүүлэн
Монголын эмэгтэй шигшээ баг:
Б.Ариунцэцэг
М.Цэрэнлхам
О.Хулан
Ө.Индра
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
