2021 оны 9 сарын 5-нд Монголын Боксын холбооны бага хурал тусгаар тогтнолын ордонд болж, шинэ Ерөнхийлөгчөөр Х.Нямбаатарыг сонгосон явдал саяхан. Гэтэл Боксын тамирчид хурлын дараа “Наран плаза”-ын зургадугаар давхарт байрлах “New york” ресторанд “найрлаж” зодолдсон байдаг.

Зодоон болсны дараа Э.Цэндбаатар цахим хуудастаа лайв хийж, “Энэ хоёр намайг зодчихлоо. Ингээд нэг айлын амьдрал дуусна шүү дээ” хэмээн цус, нөжтэйгөө холилдсон байдалтай ярьсан. Тэрбээр архи, согтууруулах ундааны зүйл хэрэглэсэн үедээ тус бичлэгийг хийж, боксчдод зодуулсан тухай цагдаагийн байгууллагад дуудлага өгсөн гэдэг.

Тус зодоонтой холбоотойгоор Э.Цэндбаатарыг Үндэсний шигшээ багаас хөөх шийдвэрийг Монголын Боксын холбоо албажуулж, олон нийтэд зарласан билээ.

Удалгүй түүний бусдад зодуулж, ухаан алдсан бичлэг олон нийтэд ил болсон. Үүнтэй холбоотойгоор Монголын олимпын үндэсний холбооны Ерөнхий нарийн бичгийн дарга Э.Бадар-Ууганаас цахим хуудсаар өөрийгөө өмөөрөх, хаацайлах зүйлс бичсээр байгаад олон нийт дургүйцэж байна.

МУГТ боксчин Э.Цэндбаатар гэж хэн бэ?

-Тэрээр 1996 оны аравдугаар сарын 16-нд төрсөн. Тэрээр 25 настай бөгөөд 163 см өндөр, 60 кг жинтэй .Арван настайдаа “Бээжин-2008” олимпын наадмын үеэр Хөдөлмөрийн баатар, гавьяат тамирчин П.Сэрдамбын тулалдахыг хараад бокс тоглох хүсэл төрсөн гэдэг.

Тэрээр Б.Энхтайван багшийн “Баянгол” секцэд бүртгүүлсэн байдаг. Одоо хүмүүс түүнээс “Бокс тоглох амархан байна уу?” гэж асуухад: Яалаа гэж, тэгэхэд чинь “бацаан” байсан юм чинь гэж хариулдаг. Тэр заримдаа гудамжинд явж байхдаа “Би чадна” гэж хашхирч, өөрийгөө зоригжуулдаг. Боксоор хичээллэснээр дүрсгүйтэхээ больж, томоожсон .2013 оны Залуучуудын Азийн АШТ-ээс хүрэл медаль хүр­тэхэд Б.Энхтайван багш нь түүнд аз дагуулдаг малгай бэлэглэжээ. Учир нь тэмцээн дуусч тамирчдын хүлээн авалт болоход Фи­липпиний алдартай дуучин бүсгүй түүнийг бүжгэнд урьж билээ. Гаднын тамирчид “малгайгаа зарах уу, нэг бол солилцох уу” гэж асуудаг юм. Нэг нөхөр бүр 100 ам.долларын санал тавьсан. Би тэгэх бүрт нь татгалзсан хариу өгдөг. Тэмцээн уралдаанд оролцох бүрдээ малгайгаа авч явдаг юм гэж ярьсан байдаг. Мэр­гэж­­­лийн боксын бээлийний зузаан нь сонирхогчдынхоо нимгэн бай­даг болохоор хүнд цохилт гарах магадлал нь илүү байдаг. Багадаа хамаагүй амраар төсөөлдөг байж” хэмээн тэрээр хэлж олны хайрыг татсан түүхтэй.

Түүний онцлох АМЖИЛТУУД:

2016 онд “Рио”-ийн олимпын шагналт V  байрт  шалгарсан. 2016  оны “Химийн цом”-ын алт, Чехийн олон улсын  “Гранпри” наадмаас  алтан медаль хүртсэн6 2018 оны “Улаанбаатарын цом” тэмцээнд түрүүлж, ААШТ-д оролцох эрхээ авч, улмаар тус тэмцээнээс алтан медаль хүртсэн. 2019 оны дөрөвдүгээр сард зохиогдсон Азийн сонирхогчдын боксын ААШТ-ээс алтан медаль  тус хүртсэн. Өдгөө тэрээр  Японы нийслэл Токио хотноо зохиогдох 2021 оны олимпын наадамд  оролцохоор бэлтгэлээ базааж амжилттай оролцоод  ирсэн юм. Харин үүний дараа мэргэжлийн бокст хүч үзэхээр төлөвлөсөн гэх мэдээлэл Монголын  боксын ертөнцөд яригдаад байсан.

Гэтэл 9 сарын 6-ны харамсалтай хэргээс болж Боксын холбооны Удирдах зөвлөлийн 19 гишүүн түүнийг холбооноос хасах саналд нэгдэж, дэлхийн аварга шалгаруулах тэмцээнд оролцуулахгүй гэх шийдвэр гаргасан. Түүнийг үндэсний шигшээ багаас хөөх шийдвэрийг Монголын Боксын холбоо албажуулж олон нийтэд зарласан. Үүнтэй холбоотойгоор Монголын боксын холбоотой хамаарал бүхий үе үеийн тамирчин, албан тушаалтнууд ард түмний хайртай хүү, улс эх орныхоо нэрийг өндөрт гаргаж яваа залуу ирээдүйтэй тамирчнаа олон түмэнд муулж, доромжилж байгаа нь ард түмний дургуйцлэлийг хүргэсээр байгаа юм.

Харин энэ талаар Монголын олимпын үндэсний холбооны Ерөнхий нарийн бичгийн дарга Э.Бадар-Ууган хэлэхдээ: “Энэ сарын 5-нд манай холбооны бага хурал болсон. Хурлын дараа оройн зоог барих үеэр архи, согтууруулах ундаа хэрэглээгүй. Би оройн хоол идчихээд гэр рүүгээ явсан. Тус хуралд орон нутгаас ирсэн багш, дасгалжуулагч нар ирж, хэдэн хүн шагнал авсан. Тэднийг өөр газар сууж байхад нь тамирчдын ахлагч Б.Чинзориг, Э.Цэндбаатар нар очсон юм билээ. Б.Чинзориг түүнийг удахгүй дэлхийн аварга шалгаруулах тэмцээнд орох учир ууж болохгүй гээд гэрт нь хүргэж өгсөн гэсэн. Гэтэл Э.Цэндбаатар буцаж очиж согтуурсан хүмүүстэй маргалдаж, нэр бүхий хүмүүст зодуулсан байсан” хэмээн тайлбарлажээ.

Мөн учир битүүлэг үйл явдалд тэрээр цахим хуудаснаа ийнхүү хэлжээ.

Энэ бүгдийн эцэст МУГТ Э.Цэндбаатар буулт хийж өөрөө сайн дураараа хэргээ хүлээж байгаад нийт ард иргэд “ДАРАМТ”-нд оруулж ийм шийдвэр гаргаж байгааг зүй бус хэмээн үзэж, МОҮХ Ерөнхий нарийн бичгийн дарга Э.Бадар-Ууган дарамталж, хариуцлагаас зугтаж байна хэмээн иргэд үзэж байгааг нуух юун.

Улс эх орны, өөрсдийн хайртай шавиа олимпын их наадам руу авч явж байсан нь саяхан. Гэтэл учир битүүлэг үйлдлээс болж МУГТ боксчин Э.Цэндбаатарыг холбоод нийлэн буруутган түүний ололт амжилтыг уландаа гишгэж, шүтэн бишрэгчид, ард түмэнд хүндлэлгүй бүдүүлэг загнасан Боксын холбоо болон МҮОХ-ны удирдлагуудын шийдвэр улс эх орны нэр хүнд, ирээдүйн тамирчдын урам зоригтой шууд хамааралтай шийдвэрийг дур мэдэн гаргаж  байгаад ард иргэд дургуйцлаа илэрхийлсээр байна...