Эрүүл мэндийн сайдын тушаалын дагуу улирлын томуугийн эсрэг вакцинжуулалтын 10 хоногийг "Томуугаас сэргийлье" уриан дор энэ сарын 15-25-ны өдрүүдэд Дархан-Уул аймагт зохион байгуулахаар ЭМГ-аас бэлтгэл ажлаа хангаж байна. Энэ хүрээнд нийт 11 мянга орчим хүн тун вакцин татан авах аж.
Дархлаажуулалтын 10 хоногоор эцэг эх, асран хамгаалагчийн зөвшөөрлийг үндэслэн 2-12 хүртэлх насны хүүхэд, жирэмсэн эмэгтэйг Бүгд Найрамдах Солонгос Улсын Грийн Кросс үйлдвэрийн улиралын томуугийн “GCFLU” гурван цэнт вакцинаар дархлаажуулах юм.
Томуугийн товлолын вакцинжуулалтын хүрээнд заавал хийх товлолын дархлаажуулалтаас хоцорсон 0-15 насны хүүхдүүдийг нөхөн дархлаажуулна. Аймгийн хэмжээнд 780 орчим жирэмсэн эх, 10 мянга орчим 2-12 хүртэлх насны хүүхэд байна. Энэ насны хүүхдүүд Ковид-19 халдварын эсрэг вакцинд хамрагдаагүй байгаа. Иймд томуугийн өвчлөл нэмэгдэж буй энэ үед бага насны хүүхдүүдийн дунд амьсгалын замын өвчлөлд өртөх эрсдэлд өндөр байгааг ЭМБ-аас анхааруулж байна.
Товлолт хугацаанд улирлын томуугийн вакцинд 2-12 хүртэлх насны хүүхдүүдээ хамруулахыг эцэг эх, асран хамгаалагчдад уриалж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
