13 настай охиныг нэр бүхий дөрвөн цагдаа бүлэглэн хүчирхийлсэн байж болзошгүй хэрэг гарсан талаар өмнө нь мэдээлсэн. Энэ талаар ЦЕГ-аас тайлбар, мэдээлэл хийлээ.
ЦЕГ-ын Дотоод хяналт, аюулгүй байдлын газрын дарга, цагдаагийн хурандаа Н.Мишигдорж: "Дотоод хяналт, аюулгүй байдлын нэгжээс цагдаагийн алба хаагчид насанд хүрээгүй хүнтэй бэлгийн харьцаанд орсон байж болзошгүй гэсэн мэдээллийг өөрсдийн хяналт шалгалтаар илрүүлж, холбогдох албан шалгалтыг явуулан гэмт хэргийн шинжтэй байж болзошгүй гээд ЦЕГ-ын Мөрдөн байцаах албаны тусгай субъектийн үйлдсэн гэмт хэргийг мөрдөн шалгах хэлтэст харьяаллын дагуу шилжүүлснээр одоо мөрдөн шалгах ажиллагаа байна.
Нэр бүхий дөрвөн алба хаагчийг одоогоор албанаас чөлөөлж, албан үүргээс түдгэлзүүлэн шалгаж байгаа. Цахим орчинд гарч буй мэдээллийг харахад цагдаагийн байгууллага алба хаагчдаа үнэнч шударгаар шалгаж чадах уу гэсэн асуулт нэлээд явж байна.
Мөрдөн ажиллагааны зарчим бол гэмт хэрэг үйлдсэн хүн, хуулийн этгээдийг бүрэн илрүүлж, гэм буруутай этгээдэд ялыг шударгаар оноож гэм буруугүй хэнийг ч гэм буруутайд тооцохгүй байх юм. Цагдаагийн байгууллага энэ зарчмаа баримталж ажиллана. Хэрэв алба хаагчид гэм буруутай гэж тогтоогдвол өмгөөлж хамгаалах ёс зүй цагдаагийн байгууллагад байхгүй, тийм боломж ч байхгүй" гэлээ.
ЦЕГ-ын Мөрдөн шалгах албаны дарга, цагдаагийн хурандаа П.Очбадрах: "Хувь хүний халдашгүй байдал, хохирогч болон холбогдогч нарын хувийн нууцтай холбоотой асуудлыг бид олон нийтэд мэдээлэх боломжгүй. Энэ бол эмзэг мэдээлэл. Үүнийг ямар нэг байдлаар тараах нь хохирогч болон холбогдогчийн амь нас, эрүүл мэндтэй холбогддог.
Иймээс энэ хэргийн талаарх мэдээллийг хэвлэл мэдээллийн байгууллагууд цензуртэйгээр, тун мэдрэмжтэй хандахгүй бол бидэнд өмнөх гашуун туршлагууд бий. Хүний Эрхийн Үндэсний Комисс(ХЭҮК)-оос гаргасан журмын дагуу бага насны хүүхдийн асуудлыг олон нийтэд түгээхгүй, задруулахгүй гэдэг" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
