Өнөөдөр Засгийн газрын ээлжит хуралдаанаар Улс төрийн нэрт зүтгэлтэн С.Зориг агсны амь насыг хөнөөсөн хэрэгт холбогдон цагдан хоригдож, эрүүдэн шүүгдсэн Т.Чимгээ, Б.Содномдаржаа нарын зөрчигдсөн эрхийг сэргээж, нөхөн төлбөрийг нь барагдуулахтай холбогдуулан Хууль зүй, дотоод хэргийн дэд сайд Б.Солонгоор ахлуулсан ажлын хэсгийг байгууллаа.
Ажлын хэсэг дээрх асуудлын хүрээнд Олон улсын хүний эрхийн байгууллагуудтай хамтран ажиллах юм. Тэр дундаа НҮБ-ын Хүний эрхийн хороо болон Эрүүдэн шүүлтээс урьдчилан сэргийлэх чиглэлээр ажилладаг дэд хороотой хамтран ажиллахаар төлөвлөжээ.
Хууль зүй, дотоод хэргийн дэд сайд Б.Солонго хэлэхдээ " Нэг жил орчмын өмнө Т.Чимгээ, Б.Содномдаржаа нарыг яллагдагчаар татсан прокурорын дүгнэлтийг хүчингүй болгоод байгаа юм. Үүнээс хойш дээрх иргэд өөрсдийн зөрчигдсөн эрхийг сэргээхтэй холбоотойгоор төрд хандаад буй боловч нөхөн төлбөр авах ажил удаашралтай байна. Ажлын хэсэг юун түрүүнд холбогдох асуудлыг судалж, Т.Чимгээ, Б.Содномдаржаа нартай биечлэн уулзах уулзалтуудыг хийж, олон улсын эксперт, хөндлөнгийн зөвлөхүүдтэй хамтран ажиллах, олон улсад энэ хэргийн талаар гаргаж тавих зэрэг ажлыг хийхээр төлөвлөн ажиллаж байна" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
