“Алтайн хүдэр” компанийн эзэн “БАЯН” гэх хочит Р.Базарааг, гүйцэтгэх захирал Х.Бат-Эрдэнийн хамт Эрүүгийн цагдаагийн албанаас баривчлан саатуулаад байгаа.
Түүнийг эх үүсвэр нь тодорхойгүй мөнгөн хөрөнгөөр кредит болон бусад арилжааны банкнуудын хувь нийлүүлсэн хөрөнгийг нэмэгдүүлэх байдлаар хувиргаж мөнгө угаах гэмт хэрэг үйлдсэн байж болзошгүй гэх хэрэг холбогдуулан шалгаж байна. Түүнчлэн нэр бүхий этгээдүүд нь бүлэглэн Сүхбаатар, Баянгол дүүргийн нутаг дэвсгэрт 2023 оны 9 дүгээр сараас 11 дүгээр сар хүртэл хугацаанд мөрий тавьж их хэмжээний мөнгө алдсан гэх шалтгаанаар бусдын биед халдсан гэх үндэслэлээр саатуулжээ.
ЭЦГ-аас иргэн Р.Базараагийн “Алтайн Хүдэр", "Бүрдэл Майнинг", “Тээвэр хөгжлийн банк”, орон сууц зэрэг нийт 10 объектод нэгжлэг хийж 100 гаруй боть санхүүгийн баримт, их хэмжээний мөнгө, валютыг хураан авсан байна. Р.Базараа нарыг дөрвөн хүнийг 48 цагийн хугацаатай баривчилж, цагдан хорих 461 ангид саатуулж байгаа юм.
Цагдаагийн байгууллагаас Эрүүгийн хуулийн тусгай ангид зааснаар яллагдагчаар татах саналыг прокурорын байгууллагад хүргүүлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
