“БАЯН” гэх нэрээр овог хийж охид, эмэгтэйчүүд, уурхайн осол гээд олон ч дуулиант үйл явдал, хэрэгт холбогдож байсан ч огт хариуцлага хүлээж байгаагүй Р.Базар өчигдөр олонд гэгээн дүрээ харуулав.
Эрүүгийн цагдаагийн газраас өчигдөр түүний хамаарал бүхий “Алтайн Хүдэр", "Бүрдэл Майнинг", “Тээвэр хөгжлийн банк”, орон сууц зэрэг нийт 10 объектод нэгжлэг хийж 100 гаруй боть санхүүгийн баримт, их хэмжээний мөнгө, валютыг хураан авсан байна. Тэгвэл түүний хамаарал бүхий “Тээвэр хөгжлийн банк” гэж ямар газар вэ? Ямар хамааралтайг энд онцолъё.
Монголын Тээвэр хөгжлийн банкны 63.95 хувийг П.Раднаабазар гэх хүн эзэмшдэг. Мөн 2.39 хувийг "Инфрастракчер" ХХК эзэмшдэг бөгөөд "Инфрастракчер" ХХК нь П.Раднаабазарынх.
П.Раднаабазар нь Р.Базарын аав бөгөөд түүний дүү тус банкны төлөөлөн удирдах зөвлөлийн гишүүнээр ажилладаг байна.
Өнөөдөр Эрүүгийн цагдаагийн газраас Р.Базар нь эх үүсвэр нь тодорхойгүй мөнгөн хөрөнгөөр кредит болон бусад арилжааны банкнуудын хувь нийлүүлсэн хөрөнгийг нэмэгдүүлэх байдлаар хувиргаж мөнгө угаах гэмт хэрэг үйлдсэн байж болзошгүй гэх хэрэг холбогдуулан шалгаж байна” гэж мэдэгдсэн нь Монголын Тээвэр хөгжлийн банктай холбоотой байж болзошгүй юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
