Олимп, Дэлхийн медальтнуудад хагас жилд 1 тэрбум 56 сая төгрөг олгодгийг та мэдэх үү?

Спорт

3
2217

Олимп, Дэлхийн медальтнуудад хагас жилд 1 тэрбум 56 сая төгрөг олгодгийг та мэдэх үү?

Төр.мн I Сэтгүүлч

2021-09-14

Олимп, дэлхийн аварга шалгаруулах тэмцээнээс медаль авсан тамирчдад олгох сар бүрийн мөнгөн урамшуулал 132 сая төгрөг, 5-12 дугаар саруудад 1 тэрбум 56 сая төгрөгийн урамшуулал олгодог аж.

Тодруулбал Олимп, парлимп болон олимпын наадмын төрөлд багтдаг спортын төрлийн зай, жинд Дэлхийн аварга шалгаруулах тэмцээний насанд хүрэгчдийн ангилал, зай жинд Монгол Улсын нэрийн өмнөөс оролцож, медаль хүртэж болзол хангасан тамирчдад ийнхүү урамшууллыг олгодог аж.

Харин сүүлийн жилүүдэд ард түмний хайр хүндэтгэлийг хүртсэн спортын салбарын манлайлал болсон тамирчид улс төрд зүтгэж, яам агентлагийн даргаар томилогдож, чадварлаг боловсон хүчинд бэлтгэгдээгүй хирнээ хэний ч өмнөөс ХЭРЭЭС ХЭТЭРСЭН ДАРГЫН ХЭНХЭГЛЭЛ ааш зан гаргаж байгаа нь энүүхэнд. Ийм аймшигтай шүдний өвчин улс оронд нь нүүрлэж байгааг одоо ард иргэд минь ойлгох цаг нь нэгэнт болж. Толгойгоороо биш биеэрээ удирддаг дарга нар олширч иргэн бүрийн амьжиргаанд бага багаар нөлөөлж байгаа нь нүдэнд илэхэн.

Харин Монгол Улсын нэрийг дэлхийн тавцанд цуурайтуулж яваа тамирчин танд ард түмэн мэхийн ёсолдог ч хүндэтгэл даахгүй ХЭД ХЭДЭН нөхдүүд биш хэдэн арван нөхдүүд байгаа нь харамсалтай. Урлаг, спорт уран сайхан нь ард түмний соён гэгээрүүлэх үүрэгтэй атал ард иргэдийг талцуулан, дарамтад оруулж байгаа улс орон манай орноос өөр үгүй л болов уу?

Жишээлбэл: БНСУ соёл урлаг, спортын манлайлал болсон тамирчдадаа ямарваа нэгэн алдаа гаргасан тохиолдолд 2-5 жилийн ял олгодог. Учир нь түүнийг олон сая залуус, хүүхэд багачууд даган дуурайж, үлгэр жишээ авдаг. Мөн улсаас өгч байгаа урамшуулал нь хүртэл хангалттай байдаг учир тэдэнд амжилттай бататгаж, үлгэр жишээ байдалдаа анхаарлаа хандуулах үүрэг өгдөг байна.

Гэтэл манай улс оронд улсын өгч байгаа урамшуулал нь хангалтгүй болж, улс төрийн нийгмийн томоохон албан тушаалд шунаж, биднийг сонсохгүй, үзэхгүй байж болно гэх мэтчилэн ард иргэдтэйгээ харьцдаг явдал ихэссээр.

Олон жилийн хөдөлмөрөөр олсон алдар нэрээ хайрлаж гамнахын сацуу ард түмнээс өгч байгаа урамшууллыг аятайхан аваад хойч үеийнхээ залуус, хүүхэд багачуудад үлгэр дууриалал болоод явчих чадалтай аавын хүүхдүүд ч манай тамирчид дунд ховор ч болж.

Хойч үеийн залуус спорт шимтэн дурлаж, сонирхон үзэх нь жилээс жилд муудаж байгаа нь өнөө цагийн үлгэр жишээ ОЛИМПЫН аварга Ц.Түвшинбаяраар ахлуулсан тамирчид СПОРТЫН салбарыг сүйрүүлж байгаа нь харамсалтай. Ард түмний энэ их хайр хүндэтгэл, урамшууллыг аятайхан хүртээд явж чадахгүй бол ард түмэн та бүгдийг алагчилан үзэх нь зөв зүйтэй бус уу.

Ийм хүндлэлийг тэд өөрсдөө бий болгож байгаад харамсмаар.

Нийт сэтгэгдэл 3

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.