Засгийн газраас санаачлан боловсруулсан Уламжлалт мал аж ахуйд тулгамдаж буй уур амьсгалын өөрчлөлтөөс шалтгаалсан сөрөг нөлөөллийг бууруулах тухай хуулийн төслийг УИХ-ын чуулганы өнөөдрийн нэгдсэн хуралдаанаар яаралтай горимоор хэлэлцэж байна. Гишүүдийн асуултад төсөл санаачлагчийг төлөөлж МАН-ын Ерөнхий Нарийн Бичгийн дарга, Монгол Улсын сайд, ЗГХЭГ-ын дарга Д.Амарбаясгалан хариулав.
ЗГХЭГ-ын дарга Д.Амарбаясгалан:
-Малчид яагаад өр зээлтэй, зээлээ тэглүүлсэн, ядуу амьдрах ёстой гэж. Тэд зөвхөн мал малладаг биш, хөдөлмөрийн үр шимээ үзэж, бүтээгдэхүүнээ зах зээлд гаргаж, нийлж хоршиж ажиллаж амьжиргаагаа дээшлүүлэх ёстой. Ийм болгохын тулд Засгийн газрын зүгээс малчид руу чиглэсэн 3 арга хэмжээг авч ажиллана.
Нэгдүгээрт: Малчдын одоо авчихсан байгаа хэрэглээний зээлийн эргэн төлөлтийг 1 жилийн хугацаагаар хойшлуулахаар болсон. Зээлийн хүүгийн хуримтлалын 75 хувийг төр даана, 25 хувийг малчид өөрсдөө төлөх нь зүйтэй гэж үзсэн.
Хоёрдугаарт: Мал тооллогын дүн гарсны дараа малжуулах хөтөлбөр хэрэгжинэ. Малжуулах хөтөлбөрт 2024 оны улсын төсөвт 22 тэрбум төгрөг төсөвлөсөн. Тэгэхээр хэдэн айл малжуулах хөтөлбөрт хамрагдах нь тодорхой болсны дараа малгүй болсон нэг айлд хэдэн төгрөгийн дэмжлэг үзүүлэх эсэх нь тодорхой болно.
Гуравдугаарт: Мал аж ахуйг цогцоор хөгжүүлэх төлөвлөгөөг Засгийн газар боловсруулсан. Нэг малчин айлын сарын орлого өнөөдөр 1.5 сая, зарлага 2.1 сая, 600 мянган төгрөгийн алдагдалтай байна. Иймд хоршоонд нэгдсэн малчин өрх арилжааны банкнаас 3-5 жилийн хугацаатай, жилийн 6 хувийн хүүтэй хөрөнгө оруулалтын 50 хүртэлх сая төгрөгийн зээлийг авах боломжийг бүрдүүлнэ. Малчид бүх бүтээгдэхүүнээ анхан шатны хоршоонд боловсруулах боломжтой болно.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
