Төр.мн сайт АНАЛИТИК нийтлэлийг цувралаар хүргэж байна. Монгол улс хэдэн хүмүүсийн “ТОГЛООМ” болж СҮЙРЭХ үү? Ард иргэд нь арчаагаа алдтал ядуурч, ЗҮДРЭХ үү гэдэг нь энэ ТӨР ЗАСГААС хамаарна. Тэнд хэн сонгогдон гарч, юу хийж, ямар үйлдэл гаргаж байгаагаас ХӨГЖИХ, СҮЙРЭХ нь шийдэгдэнэ. 

Тэгвэл АНАЛИТИК цуврал нийтлэлээр сонгож болохгүй хүмүүсийг нэрлэж байна. Тэд хэрхэн яаж ТӨРӨӨС “ХУЛГАЙ” хийснийг баримттай сийрүүлье. 

Хүн ер нь хажуу дахь “ЭРДЭНЭ”-ээ нээрээ анзаардаггүй юм билээ шүү. Бусдад мотоцикл, мөнгө өгөөд л... Шинэ жилээр байр бэлэглээд, утас сугалуулаад л... Асар их мөнгийг цацдаг атлаа хажуудах дүүдээ бизнес хийхэд нь зээл ч өгчихгүй. Хөөрхий тэр дүү. Ах нь УИХ-ын гишүүн, Эгч нь УИХ-ын гишүүн. Хоёр өөр намынх, гэхдээ эцсийн дүндээ ашиг сонирхол нэг. 

     Бид нүүрс, хөгжлийн банкны зээл хулгай гэж яриад 2018 онд дэгдээд байсан ЖДҮ-ийн зээлийн хулгайг бүр мартаж орхижээ.

Энэ зээлээс олон хүний хамаарал бүхий этгээдүүд авсны нэг нь УИХ-ын гишүүн Б.Саранчимэгийн төрсөн дүү. 

ТЭРБУМТНУУД ЗЭЭЛ ХУССАН НЬ...

   “Мон-Уран”-ны Б.Наранхүү, УИХ-ын гишүүн Б.Саранчимэг нар чинь “ТЭНГЭР”-т тултлаа хөлжсөн хүмүүс. Гэтэл тэрбумтны дүү нь ЖДҮ-ийн хөнгөлөлттэй зээл “ХУСЧИХСАН” байдаг. УИХ-ын гишүүн асан Б.Наранхүү, УИХ-ын гишүүн Б.Саранчимэг нарын төрсөн дүү Б.Одончимэгийн үүсгэн байгуулсан "Сингапурхэльткейр сентр” ХХК 2018 оны наймдугаар сард 800 сая төгрөгийн зээл авсан байдаг. 

Энэ үед гишүүн Б.Саранчимэг “Манай дүү зээл авсан нь үнэн. Дүү маань Европт доктор хамгаалаад ирсэн бизнесмен хүн" хэмээн тайлбар өгч байлаа. 

Харин тухайн үеийн гишүүн Б.Наранхүү “Хүн хажуудах эрдэнээ мэддэггүй юм байна. Би тэр зээлийг нь төлчихье. Нэмээд дүүдээ 2 тэрбум төгрөг өгчихье” гэж аархаж байсан удаатай. Тэрбум тэрбумаар нь өгөх боломжтой байсан атлаа “нэг муу” ЖДҮ эрхлэгчдийн боломжийг ХУЛГАЙЛЧХААД тавлаж суусан даа.

БЗС-ААС 112 САЯЫГ АВСАН Б.САРАНЧИМЭГ

   Хүн баяжихаараа бааж чадахаа больчихдог гэж үг бий. Тэр нь Б.Саранчимэг бололтой. УИХ-ын гишүүн Б.Саранчимэг АНУ-ын Гавайн Пасифик их сургуульд суралцахаар БЗС-гаас 32,580 ам.долларын зээл авч байсан хүн. Үүнийг одоогийн ханшаар тооцож үзвэл 112 сая төгрөгийн зээл авсан гэсэн үг. Уг нь бол 112 сая төгрөг битгий хэл тэрбум тэрбумыг нь гаргаад өөрийнхөө боловсролд зориулчих нэгэн. Гэтэл ардын боломжийг хулгайлаад гадаадад сурсан гэх нэр зүүгээд явах. 

ТОЙРОГТОО “ГОЛОГДСОН” НЬ

   УИХ-ын гишүүн Б.Саранчимэг БЗД-т нэр дэвшин өрсөлдөж, хоёр ч удаа их хуралд суусан эмэгтэй. Уг нь Баянзүрх дүүрэгт түүний намын “хөл” бий, сонгогчид бий. Гэтэл хотод ямар ч “ШААНСГҮЙ”-гээ мэдсэн тэрбээр Өмнөговь, Дундговь, Говьсүмбэр, Дорноговь гэсэн бүсчилсэн тойрогт үзэхээр бэлтгэлээ базааж буй. 

Өнгөрсөн хугацаанд Дундговь аймгаа тойглож, цас зуднаар хүртэл нэр нүүрээ барж явсан тэрбээр орон нутагт үзэхээр СДМЭХ-ны нийслэлийн салбар холбооны даргынхаа албан тушаалыг хүртэл саяхан өгсөн байдаг. 

Улаанбаатар хотод Б.Саранчимэг битгий хэл “НЭРТЭЙ ЗҮСТЭЙ” залуучууд ч суудал авч чадахгүйд хүрээд байгаа. Уг нь хийсэн ажил, хэлэх үгтэй бол АЙХ юун. Харин Б.Саранчимэг хэлэх үг, хийсэн үйлдэл тун чиг байхгүй тул тойргоо солих болсон нь тэр. 

ТАТААСНЫ ЖДҮ-ЧИН ГИШҮҮН Б.САРАНЧИМЭГ

   Судалгаа бүхнийг тодотгоод өгнө дөө. MEC агентлагийн судалгаагаар УИХ-ын гишүүн Б.Саранчимэгийг тойргийн иргэд нь ЖДҮ-чин бөгөөд татаасны улс төрч, ярьдаг тодорхой сэдэвгүй, байр суурь тодорхойгүй гэж үнэлжээ. Энэ бол өнгөрсөн жилийн судалгааны нэг хэсэг. 

Энэ мэт суудал бөглөсөн, нэр зүүсэн гишүүд цааш “явахгүй” болоод ирэхээрээ тойргоо нэг сольж үздэг юм. Б.Саранчимэг энэ удаа тойргоо сольж нэг үзнэ. Эс бөгөөд “амиа” тавин байж жагсаалтад орох гэж нэг улайрна.

Ийм ЖДҮ-чин БЗС-гаас шимэгч, үзэл бодол, үнэт зүйлгүй ийм хүнийг нэр дэвшүүлж, жагсаалтад оруулах юм биш биз дээ Ерөнхий сайд Л.Оюун-Эрдэнэ, генсек Д.Амарбаясгалан нараа…?

Төрийн “ШИМЭГЧ” болсон ийм хүмүүсийг БҮҮ СОНГО...

Төр.мн
Б.Шүрэнцэцэг