“Шинэ хоршоо” хөдөлгөөний нээлтийн арга хэмжээ UG Arena-ийн их танхимд өнөөдөр эхэллээ. Энэхүү арга хэмжээнд хот, хөдөөгийн малчид, хоршоологчдын төлөөлөл 3100 гаруй хүн оролцож байна.
Нээлтийн ёслолд Монгол Улсын сайд, ЗГХЭГ-ын дарга, “Шинэ хоршоо” хөдөлгөөний санаачлагч, зохион байгуулагч Д.Амарбаясгалан оролцож байна. “Шинэ хоршоо” хөдөлгөөний хүрээнд хэрэгжүүлэх таван их наядын “Шинэ хоршоо-Чинээлэг малчин” арга хэмжээний төлөвлөгөөг Засгийн газрын энэ долоо хоногийн хуралдаанаар баталсан.
Орон даяар эхэлж буй “Шинэ хоршоо” хөдөлгөөний хүрээнд малчид, мал бүхий иргэд нийлж, нэгдэж хоршоо байгуулж, төрийн дэмжлэг туслалцааг авч, барьцаагүй, хүү, хугацаа багатай хөрөнгө оруулалтын зээл авах боломжтой болох юм.
Хоршооны талаарх мэдээллийг малчин айл бүрд хүргэхээр төрийн албанаас 1400 ажилтныг нэг сарын хугацаатайгаар томилж байгаа юм. Тэдний сургалтыг энэ сарын 29-нөөс эхлүүлэхээр төлөвлөжээ.
Хоршоогоор дамжуулан малчин өрхийн амьжиргааг дэмжих, мал, малын гаралтай түүхий эд, бүтээгдэхүүнийг үнэтэй болгох, малчдын орлогыг нэмэгдүүлэх зорилготой Засгийн газраас хэрэгжүүлж буй урт хугацааны цогц бодлого ийнхүү эхэллээ.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
