Сүүлийн үе ШТС-иуд АИ-92 тасарсан, нөөц байхгүй гэсэн шалтгаанаар зарим нэг шатахууны газрууд бензиний борлуулалт хийгдэхгүй байна. Энэ цаг үетэй зэрэгцээд шатахууны хомсдол, үнийн асуудлаар өнөөдөр АМГТГ-аас мэдээлэл хийсэн. АМГТГ-ын орлогч дарга Ц.Эрдэнэбаяр "Зарим шатахуун түгээх газрууд нийлүүлэлт болон борлуулалт хийгдэхгүй байна.
Манай улс ОХУ-ын шатахууны үйлдвэр урсгал засварт орж байгаа. Ийм учраас энэ сард нийлүүлж байгаа бүтээгдэхүүнээ багасгаж байна.
Үүнтэй холбоотойгоор бид зөрүүг нь Хятад улсаас авахаар харилцан хамтран ажиллаж байгаа. Одоогоор газрын тосны бүтээгдэхүүний нийт 28 хоногийн нөөц гэж үзэж байна. Түүнчлэн, өргөн хэрэглээний шатахуун болох АИ-92 шатахуун 21 хоног, дизель түлш 35 хоног, АИ-80 шатахуун 35 хоногоор тодорхойлж байна. Харин онгоцны түлш 6-7 хоногийн нөөц үлдсэн. Гадуур ярьж байгаатай адил бензиний хомсдол огт үүсээгүй. Тодорхой хувиар нөөц багассан асуудал бий. Гэхдээ бид холбогдох арга хэмжээнүүдийг авч байгаа.
Мөн үнэ нэмэгдэх ч нөхцөл байхгүй. Үнэ өсгөж байна, нөөц байхгүй, хомсдол үүсгэж байна гэдэг нь ташаа мэдээлэл юм.
АИ-92 шатахууны нөөц тодорхой хэмжээнд багассан. Тухайлбал зарим шатахуун борлуулагч компанийн нөөц багассан тул бусад байгууллагаас шатахууныг сэлгэх зөөх байдлаар зохицуулалт хийсэн. Магнай трейдийн нөөц багассан тул зарим ШТС-иуд нь ажиллахгүй байгаа. Өнөөдрийн байдлаар 11 ШТС худалдаа хийхгүй байгаа" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
