Дөрвөн жил ч хурдан өнгөрөх юм. 2020 оны сонгуульд Ж.Энхбаяр сонгуульд нэр дэвшихгүй гэдгээ зарлаж байсан. Зарлана ч гэж дээ, ЖДҮ-ийн сангаас давуу эрхтэйгээр жилийн 3 хувийн хүүтэй зээлийг Ж.Энхбаярын хамаарал бүхий компани нь авчихсан, ЖДҮ-ийн “ХЭРЭГ”-т холбогдсон хүн нэр дэвших “НҮҮРГҮЙ” байлаа. Харин энэ асуудал одоо мартагдаж Нүүрсний хулгай, Хөгжлийн банкны хэрэг, Боловсролын зээлийн сан гээд өөр “ХЭРГҮҮДЭД” нам дарагджээ.
2021 онд У.Хүрэлсүх Ерөнхийлөгч болж, Ж.Энхбаяр Үндэсний Аюулгүй байдлын зөвлөлийн даргаар ажиллаж байгаад оны өмнөхөн ажлаа өгч, Ерөнхийлөгчийн зөвлөхийн албан тушаалаа хашиж буй.
Энэ удаагийн сонгуульд нэр дэвшиж өрсөлдөх “Ерөнхийлөгчийн баг”-ийн хүн Ж.Энхбаяр Сэлэнгэ, Дархан, Төв аймгийн бүсэд нэр дэвшин өрсөлдөхөөр аймаг, сумдаар тойроод сүйд. Энэ тойрогт цөөн мандатын төлөө 20 орчим хүн горилж буй. Гэхдээ Ж.Энхбаяр санаа зовох юун. Учир нь Ерөнхийлөгчийн “ивээл”-ээр ногоон шугамаар мандат авах биз ээ.
Ж.Энхбаяр сонгуульд нэр дэвшин бүрдээ тойргоо сольдог. Говь-Алтай аймагт нэр дэвшиж байлаа, Улаанбаатар хотод Баянзүрх дүүргээс нэр дэвшиж байлаа. Одоо Сэлэнгийг "Тоочигложээ".
2020 оны ЖДҮ-чид энэ удаагийн сонгуульд гарч, шинэхэн хэргийн “эзэн” болох Нүүрсний хулгайчид дөрвөн жилийн дараа хэрэг нь мартагдахаар шударга, эх орончдын дүрээр их хуралд гарах бололтой.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
