Сонгинохайрхан дүүргийн 28 дугаар тойрогт нэр дэвшиж, сонгогдсон Д.Сумъяабазар гишүүний бүрэн эрхээсээ өөрийн хүсэлтээр чөлөөлөгдөж, хотын дарга болсон бол Хэнтий аймгийн 18 дугаар тойргоос сонгогдсон У.Хүрэлсүх Монгол Улсын Ерөнхийлөгчөөр сонгогдсоноор УИХ дахь тэдний суудал эзэнгүй байгаа юм. Тиймээс УИХ-ын 18, 28 тойрогт  нөхөн сонгууль явуулах хуулийн зохицуулалт үүссэн. Нөхөн сонгууль ирэх аравдугаар сарын 10-нд болно.

Тэгвэл 28 дугаар тойрогт 8 нам, 1 эвсэл, 1 бие даагч нэр дэвшинэ. Харин сонгогчид нэр дэвшигчдийн хөрөнгө орлогын мэдүүлгийг ил тод байлгахыг шаарддаг. Тиймээс  сонгуульд нэр дэвшигч нар  2019 оны хөрөнгө оруулгын мэдүүлэгээ өгсөн байдаг. Тодруулбал, нэр дэвшигчид 2020, 2021 оны хөрөнгө орлогын мэдүүлгээ өгөөгүй гэсэн үг. Зарим эрхмүүд хөрөнгийн мэдээллээ үнэн зөвөөр өгсөн бол, зарим нь " хөрөнгөө тас нуусан" байна. Ингэж хөрөнгийн мэдүүлгээ өгөх нь яг юунд ашигтай вэ? гэдгийг тэд өөрсдөө л мэдэх билээ.

Сонгуульд өрсөлдөж буй 10 нэр дэвшигчийн 2019 онд бүртгүүлсэн хөрөнгө орлогын мэдүүлэг:

1. Гарын 10 хуруунаасаа хол давсан компанид хөрөнгө оруулалт хийсэн Монгол Ардын намаас нэр дэвшигч Энхбаярын Батшугарын хөрөнгө орлогын мэдүүлэгтэй танилц: 

Түүний жилийн нийт орлого 93863.68 төгрөг, гэр бүлийн гишүүдийн нийт орлого 6111298.53 төгрөг. Харин 2019 оны байдлаар амины орон сууцгүй, зуслангийн байшингүй, хашаа байшингүй, үйлчилгээний зориулалттай барилга байхгүй гэх мэдээллийг өгсөн нь хэтрүүлэг. Харин Мотоцикл, Yamaha, Yamaha fzr 400-1, Жийп болон туулах чадвар өндөр, Тоуота, Land Criuser-200  нэг машинтай,  324500.00 төгрөгөөр үнэлэгдэх мал, аж ахуйтай. Мөн Эскон ХХК, Хаттан интернейшнл ХХК, Милленниум капитал интернейшнл ХХК, Милленниум энтертайнмент ХХК, Момиэд ХХК, Милленниум финанс ББСБ ХХК, Содмаргад ХХК, ЗГМС ХХК, Засгийн мэдээ ХХК, ЗМС ХХК, Эс Си Эн Майнинг ХХК, Рескон ХХК, Медиахолдинг ХХК, Ремиф ХХК, Монфарм трейд ХХК, Монсамил ХХК-д хөрөнгө оруулалт хийсэн байдаг. Эдгээр компаниудаасаа нэлээдгүй ногдол ашиг хүртдэг. 87701.45 төгрөгийн хадгаламжтайгаас гадна зээлийн хэмжээ 2021090 төгрөг гэж мэдүүлжээ.

2. Нэг га газар эзэмшдэг “Ардчилсан” намаас Эрдэнийн Бат-Үүлийн хөрөнгө орлогын мэдүүлэг:

Түүний нийт орлого 59200.00 төгрөг, гэр бүлийн нийт гишүүдийн орлого 74378.84 төгрөгийн орлоготой. Харин амины орон сууцгүй бөгөөд нийтийн орон сууцтай, нийт 89000.00 төгрөгөөр үнэлэгдэх  Жийп болон туулах чадвар өндөр, Volkswagen, Touareg нэг машинтай, Нэг га газар эзэмшдэг, дотоодын банк санхүүгийн байгууллагад 1000.00 төгрөгийг хадгалуулсан. Анх авсан зээлийн хэмжээ 79000.00 төгрөгийн зээл авч байсан. “Сонор Рекордс” ХХК-д хөрөнгө оруулалт хийж 204ш хувьцаа эзэмшдэг, ногдол ашиг 51%-ийг хүртдэг хэмээн мэдүүлжээ.

3. Тээврийн хэрэгсэлгүй "Иргэний Зориг-Ногоон" намаас нэр дэвшигч Шагдарсүрэнгийн Гантулгын хөрөнгө орлогын мэдүүлэг:

Түүний нийт орлого 800.00 төгрөг, гэр бүлийн гишүүдийн нийт орлого 600.00 төгрөгийн орлоготой. Амины болон нийтийн орон сууцгүй гэж мэдүүлжээ. Харин 6500.00 төгрөгийн хадгаламжтай ч автомашингүй хэмээн  мэдүүлжээ.

4. 425120.00 төгрөгийн хадгаламжтай "Эрх Чөлөөг Хэрэгжүүлэгч” намаас нэр дэвшигч Шоовдорын Төмөрсүхийн хөрөнгө орлогын мэдүүлэг:

Нийт орлого 11000.00 төгрөг, Гэр бүлийн гишүүдийн нийт орлого 00 төгрөг, 130000.00  төгрөгөөр үнэлэгдэх нийтийн орон сууцтай. 85000.00 төгрөгөөр үнэлэгдэх жийп болон туулах чадвар өндөр, Toyota, Land Cruiser 200 нэг машинтай. 52000.00 төгрөгөөр үнэлэгдэх үнэт эдлэлтэй. 425120.00 төгрөгийн хадгаламжтай хэмээн мэдүүлэг өгчээ. 

5. Амины орон сууцгүй “Зөв хүн-Электорат" эвслээс нэр дэвшигч Бадрахын Найдалаагийн хөрөнгө орлогын мэдүүлэг:

Түүний нийт орлого 55350.02 төгрөг, гэр бүлийн гишүүдийн нийт орлого 00 төгрөг, амины орон сууцгүй, 620000.00 төгрөгөөр үнэлэгдэх нийтийн 2 орон сууцтай, 80000.00 төгрөгөөр үнэлэгдэх жийп болон туулах чадвар өндөр, Lexus 570 машинтай,  2000.00 төгрөгөөр үнэлэгдэх 700м2 газар эзэмшдэг. 180000.00 төгрөгийн үнэ бүхий үнэт эдлэлтэй. 30885.83 төгрөгийн хадгаламжтай, 41000.00 төгрөгийн авлагатай бөгөөд 41000.00 зээлтэй, ”ЭсДиБи” ХХК компанид хөрөнгө оруулж 100%-ийн  ногдол ашиг хүртдэг. Мөн ”Дабльхилл ХХК”-д хөрөнгө оруулалт хийжээ.

6. Амины болон нийтийн орон сууц байхгүй "Үнэн ба Зөв" намаас нэр дэвшигч  Аюурзанын Отгонбаатарын хөрөнгө орлогын мэдүүлэг:

Түүний нийт орлого 98000.00 төгрөг, гэр бүлийн гишүүдийн нийт орлого 35080.00 төгрөг, амины болон нийтийн орон сууцгүй, 2500.00 үнэлэгдэх хашаа байшинтай. 48000.00 төгрөгөөр үнэлэгдэх  жийп болон туулах чадвар өндөр Toyota Harrier, суудлын жижиг машин Toyota Harrier машинтай, 48000.00 төгрөгөөр үнэлэгдэх хонь, ямаа, үхэр, адуу, тэмээ  нийт 500 малтай, 429м2, 430м2 эзэмшлийн газартай, 182000.00 төгрөгийн үнэт эдлэлтэйгээс гадна хадгаламждаа 101000.00 төгрөгтэй юм. Харин түүний авлага 27000.00 төгрөг, “Сэрэлт сонин”-д хөрөнгө оруулалт хийсэн хэмээн мэдүүлжээ. 

7. Амины орон сууцгүй “Дэлхийн Монголчууд” намаас  нэр дэвшигч Логийн Цогийн хөрөнгө орлогын мэдүүлэг:

 Түүний нийт орлого 13200.00 төгрөг, гэр бүлийн гишүүдийн нийт орлогоор 25000.00 төгрөг, амины орон сууцгүй. 95000.00 төгрөгөөр үнэлэгдэх нийтийн орон сууц, автомашины зогсоолтой. 5000.00 төгрөгөөр үнэлэгдэх суудлын жижиг машин,Toyota, Prius машинтай хэмээн мэдүүлжээ.

8. Автомашингүй “Ард Түмний Олонхийн Засаглал” намаас нэр дэвшигч Алтанцэцэгийн Батдоржын хөрөнгө орлогын мэдүүлэг:

Түүний жилийн нийт орлого 6000.00 төгрөг, гэр бүлийн гишүүдийн нийт орлого 2040.00 төгрөг. 121500.00 төгрөгөөр үнэлэгдэх нийтийн орон сууц, автомашины гражтай ч автомашингүй. “Арома-Амт” компанид хөрөнгө оруулалт хийсэн бөгөөд 267500ш хувьцаатай, 45%-ийн ногдол ашиг хүртдэг хэмээн мэдүүлжээ.

9.Хамгийн их орлоготой “Шударга Иргэдийн Нэгдсэн Эвсэл”  намаас нэр дэвшигч Цэндсүрэнгийн Гантулгын хөрөнгө орлогын мэдүүлэг: 

Түүний нийт орлого 166000.00 төгрөг, гэр бүлийн гишүүдийн нийт орлого 246264.24 төгрөгийн орлоготой. 5125100.00 төгрөгөөр үнэлэгдэх амины орон сууц 2, нийтийн орон сууц болон хашаа байшинтай. Мөн үйлчилгээний зориулалттай байшин 2, үйлдвэрлэлийн зориулалттай барилга 2, оффистой гэж мэдүүлжээ.  Бусад нэр дэвшигчдээс хамгийн их үл хөдлөхтэй нэр дэвшигч юм. Мөн 273000.00 төгрөгөөр үнэлэгдэх Жийп болон туулах чадвар өндөр, Lexus, 570 нэг, Суудлын жижиг машин, Suzuki, Vitara-нэг машинтай. 307600.00 төгрөгөөр үнэлэгдэх 295 хонь, 138 адуу, 90 ямаатай. 565000.00 төгрөгөөр үнэлэгдэх эзэмших болон ашиглах газартай. 70000.00 төгрөгийн үнэ бүхий үнэт эдлэлтэйгээс гадна 1095019.26 төгрөгийн хадгаламжтай. Мөн 320000.00 төгрөгийн авлагатай. Анх зээлсэн хэмжээ 1500000.00 төгрөг байсан бол “Төмөрт Өргөө” ХХК, “Жи-Эс-Эн-Ди” ХХК хөрөнгө оруулалт хийж 100%, 20%-ийн ногдол  ашиг тус тус хүртдэг гэж мэдүүлжээ.

10.6977.86 төгрөгийн хадгаламжтай "Бие даан" нэр дэвшигч Хадбаатарын Бат-Ялалтын хөрөнгө орлогын мэдүүлэг:

Түүний орлого 72449.80 төгрөг, гэр бүлийн нийт гишүүдийн орлого 37124.45 төгрөг, 427400.00  төгрөгөөр үнэлэгдэх амины орон сууц,, нийтийн орон сууц, зуслангийн байшинтай. 9500.00 төгрөгөөр үнэлэгдэх суудлын жижиг машин,Toyota-Corolla, Микро автобус, Hyunda-Micro нэг машинтай. 38775.00 төгрөгөөр үнэлэгдэх  хурдан удмын 2 адуу, 120 хонь, 45 ямаа, 10 үхэр, 15 адуутай. 15000.00 үнэлэгдэх үнэт эдлэлтэйгээс гадна 6977.86 төгрөгийн хадгаламжтай гэж хөрөнгө орлогын мэдүүлэгээ өгч байжээ.

Дээрх гишүүдийн хөрөнгө орлогын мэдүүлгийг 2019 оны байдлаар гаргасан болно.