Сонгууль болохоор их л юм үзэж, харах юм даа. Улсын их хурлын гишүүд чинь дөрвөн жил зүгээр суучхаад яг сонгуулийн өмнө баахан сошиал контент хийгээд, өөрсдийгөө клипний гол дүрд тоглуулчих бололтой юм. Ингэхдээ болсон болоогүй юу ч хамаагүй нэг юмтай өөрийгөө нааж орхино.
2020 оны сонгуулиар “ДАРХАНЫ КРАШ” гэж өөрийгөө нэрлээд байсан УИХ-ын гишүүн Гонгорын Дамдинням “ГАНЦААРАА” шахуу Дарханы замыг барьж дуусгаж байгаа гэсэн утгатай бичлэгээ цахим орчноо нийтэлжээ.
Бүр “ГОНГОРЫН ДАМДИННЯМ ДАРХАНЫ ЗАМ” гэсэн бичвэртэй байх аж.
Одоогоос 5 жилийн өмнө буюу 2019 оны 6-р сарын 17-ны өдөр 204 км-ын Дарханы замын шинэчлэл эхэллээ гээд тунхаглан зарлаж, тууз хайчилж байлаа. Энэ бол 2020 оны сонгуулийн өмнөх ШОУ байв. Иймхэн замыг 5 жил бариад одоо ч ашиглалтад ороогүй байхад дахиад л сонгуулийн ШОУ болох гэж.
2024 онд 100 хувь ашиглалтад орно гэнэ, одоо 90 хувьтай явагдаж байгаа л гэнэ. Дарханы замыг гишүүн Г.Дамдинням дуусгаж байгаа л гэнэ… Ёстой л Дарханы зам сонгуулийн шоу болдог хувьтай байжээ.
Дарханаас гарсан төлөөлөл чуулганы хуралдаан, байнгын хороонд, салбар яамд нь Дарханы замын асуудлаар үг хэлэх нь зүйн хэрэг. Харин сонгуулийн өмнө шоу болгож, өөрөө хүрз жоотуу бариад дуусгаж буй мэтээр залуу улс төрч Г.Дамдинням ПИАР хийж байгаа нь энэ. Чухамдаа дарханы зам ч сонгуулийн шоунд АМЖИЛТ олдог сэдэв ч биш болсон доо. Ард иргэд ч наалдахаа байсан цаг.
204 км замыг 5 жил бариад ч дуусаагүй Дарханы замыг гол маркетингаа болгосон Г.Дамдинннямд энэ сөрөг л PR болох шиг боллоо.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
