Бөхчүүдийн ДОПИНГ-ийн асуудал энэ өдрүүдийн халуунсэдэв болж байна.
Улсын аварга О.Хангай "Допинг хэрэглэж бусдын боломжийг хулгайлсан нөхдүүдийн ичих булчирхай нь алга болчихдог юм биш үү? Би та нарын оронд байсан бол ичээд гэрээсээ ч гарахгүй байсан байх" гэж сэтгэгдлээ бичсэн нь Арслан М.Бадарчийн эгдүүцлийг төрүүлж хариу болгож ийн бичжээ.
Тэрбээр "Хангай хоёулаа ДНК-ийн шинжилгээ өгье. Би угаасаа өгье гээд байгаа, чи түрүүлсэн жил болон харцага болсон жилийнхээ Б савыг ДНК-ийн шинжилгээнд өгчих, шээс сольсон байна уу үгүй юу гэдэг нь нотлогдоно шүүдээ.
Үсний хуйх, хурууны хумсаар шинжилгээ авна шүүдээ. ВАДАгийн дүрмээр нэг тамирчны шээс 10 жил хадгалагддаг. Чамайг харцагуудын халз барилдаанд шинжилгээнээс зугатаасныг бөх сонирхогчид олноороо ярьж чамаас асуусаар ирлээ. Мөн шээс солих гэж байсныг би харсан гээд чи хэлсэн, хэн гэдэг бөх шээсээ солих гэж байсныг яагаад хэлэхгүй байгаан бэ. Ард түмэнд баатар болох гэж поопроод яахавдээ" гэжээ.
Хоёр бөх хоорондоо сэтгэгдлээр "Батл" хийж олныг талцуулж, сошиалд хэлэлцүүлэг ч өрнөж байна. Тэгвэл Улсын аварга О.Хангай хариу болгож сүүлийн зургаан удаа өгсөн Додингийн шинжилгээ болон зарим баримтыг нийтэлжээ.
О.Хангай: "2017 оноос хойш улсын баяр наадамд 3 удаа, явцын шинжилгээнд 3 удаа, өөрийн хүсэлтээр 1 удаа нийт 7-н удаа допингийн шинжилгээ өгчээ. 2023 оны улсын наадмын шинжилгээ МҮБХ-нд ирээгүй учир 6-н шинжилгээний хариуг зургаар орууллаа.
2021 оны 3 сарын 31-нд харцага цолтой бөхчүүдийн шоу барилдааны үеэр бусад харцага цолтой бөхчүүдээ уриалан хэний ч албан шахалтгүйгээр өөрсдийн хүсэлтээр, санхүү мөнгөө босгон допингийн шинжилгээ өгөхөөр очсон боловч таниас Ковид илэрсэн байна гээд тусгаарлалтанд орсон. Тэр өдөр Допингийн шинжилгээгээ өгчөөд тусгаарлалтанд ороё гэсэн ч тэгвэл таныг санаатайгаар халдварт өвчин тараасан хэргээр эрүүгийн хариуцлага хүлээлгэнэ гээд айгаад гэрлүүгээ явсан даа.
Ковидын эерэг гарсан хариугаа зургаар оруулав. (Тэр үед бүх хавьтагчаа хэлдэг байсан эвгүй үе байсан л даа ккк)
Тэр өдөр допингийн шинжилгээ өгсөн бүх харцага цолтой бөхчүүд гэрчилнээ. Тэр хэд маань допингийн шинжилгээ өгснийхөө дараа манай гэр бүлээс шинжилгээ авахаар ирсэн түргэний машинд ковидын шинжилгээ өгсөн. Ковидоо эдгээгээд мөн хатуу хорионы дараа өөрөө хүсэлт гарган 5 сарын 13-нд допингийн шинжилгээ өгсөн. Би хэзээ ч юугаар ч, ямар ч үед допингийн шинжилгээ өгөхөд бэлэн байдаг даа. Санаатай, санаандгүй хэрэглээд лабораторын шинжилгээгээр допинг хэрэглэсэн нь тогтоогдсон бол ард түмэн, бусад бөхчүүдээсээ уучлалт гуйгаад хууль журмын дагуу хариуцлагаа хүлээдэг баймаар юм.
Хэн нэгэн хүнтэй биш ДОПИНГ-той тэмцэж, үндэсний дархлаа, өв соёлоо цэвэр ариунаар нь авч явах гэж хичээж явнаа. Үнэнч шударгаар барилдаж байгаа бусад бөхчүүдээ шинжилгээний хариугаа МҮБХ-с авч олон нийтийн хардлага, эргэлзээг тайлахыг уриалж байна" гэжээ.
Төр.мн
Like
0
Зөв
0
0
Буруу
0
Воов
0
Уйтгартай
1
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
