АН-ын нэр дэвшүүлэлт үргэлжилж байна. Нэлээн өрсөлдөөнтэй, ширүүн болж буй ажээ.
Гэрийн хорионд байгаа сэтгүүлч Н.Өнөрцэцэг, “Улаан бал” нэвтрүүлгийн хөтлөгч, сэтгүүлч Ч.Лодойсамбуу нар нэр дэвшүүлэлт эхлэхээс ердөө хэдхэн цагийн өмнө АН-ын нэрийн өмнөөс УИХ-ын сонгуульд нэр дэвшихээр болсноо зарлан, будаг нь ханхалсан батлахынхаа зургийг сошиал сүлжээнд оруулсан нь АН-ын үнэнч гишүүд дэмжигчдийн дургүй зэвүү хоёрыг зэрэг зэрэг хүргэж эхэлжээ.
Учир нь АН-ын өдгөө хүчин төгөлдөр мөрдөж буй Үндсэн дүрмийн 3.6.1.2-т “Намын дотоод сонгууль болон намаас УИХ-ын сонгуульд нэр дэвшигч нь 6 сараас доошгүй хугацааны өмнө намд элссэн байна” гэх заалттай ч ийнхүү дүрмийн бусаар аашилж байгаа юм.
Түүгээр ч барахгүй зарим гишүүний зүгээс үүнийг эсэргүүцэн “тооноор орж ирсэн” нөхдийг АН-аас нэр дэвшүүлэхийг эсэргүүцэн, намынхаа удирдлагуудад хандаж эхэлсэн байна. Дарин дээр давс гэгчээр нэгэн цаг үед АН-ын нүүр царай болж явсан, УИХ-ын дарга асан З.Энхболд АН сонгуульд нэр дэвшигчдийг тодруулахдаа ядаж ялтан биш хүн оруулж ирэхийг санууллаа.
Энэ тухайд тэрбээр “Нэр дэвшүүлэх ажилд ингэж хариуцлагагүй хандаж болохгүй. Ядаж ялтан биш хүнийг нэр дэвшүүл. С.Баярцогт ялтан, хэргээ аргалаад л яваа нөхөр шүү дээ. Г.Эрдэнэбат ялтан, ялаа эдлээд дууссан. Д.Мөнх-Эрдэнэ бас ялтан,сая уучлалаар гарсан. Ядаж ялгүй хүмүүсээ сонгон шалгаруул л даа” гэлээ.
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
