Сүүлийн дөрвөн жил гаруй Ардчилсан нам сандал ширээ, тамганы төлөө бөөн хэрүүл болж 2, 3 салж, хуваагдав. Энэ жинхэнэ тамга, тэр хуурамч тамга. Би ч дарга нь, Чи ч дарга нь биш гээд хэрүүл үргэлжилж үргэлжилж талцсан этгээдүүд гар барих шиг болж намын хурлаа хийж ШИНЭ дарга сонгов. Сонгов гэж дээ бүлэглэлүүд ХҮНЭЭ ТАВИВ. Тэр нь Лу.Гантөмөр.
Л.Гантөмөр Ардчилсан намын дарга гэсэн нэртэй, зүгээр л “бэлэгдэл” төдий. Учир нь энэ намд Ц.Элбэгдорж, Х.Баттулга болон бусад гэсэн фракцтай. Л.Гантөмөр бол “толгойлогч” ч биш. Тэдний “тавиул”. Ийм ч учраас намын жагсаалтад дээрх бүлэглэлүүдийн “ХОЙД ДҮР”-үүдийг багтаасан байдаг.
Ямар ч шалгуургүйгээр, цаг тулсан ШУУД БАТЛА гэж хурал дээрээ орж ирээд намын үнэнч гишүүдийн “ДАЙРЛАГА”-д өртөж. Ардчилсан намынхан ил цагаан юм хойно хурлынхаа явц, хэрүүл зодооноо лайвдаад олонд “шившиг” ч болов.
Ингэж ил байснаараа Ардчилсан намын дарга Л.Гантөмөрийг хэн болохыг нь ч харлаа, намын журамт, үнэнч гишүүд шударга ёсыг хүсэмжилж буйг л илэрхийлэв.
Ардчилсан нам хүчтэй байж, хүчтэй сөрөг хүчин байваас Монгол Улсад л хэрэгтэй. Аа гэвч хүчтэй байхыг, эвтэй байхыг, шударга байхыг, ялалт байгуулахыг эрхэм намын дарга Л.Гантөмөр “хүсэхгүй” байна. Магадгүй тэр дээр нэг зүйл тохирчихоод, яаж ийж байгаад жагсаалтын нэгдүгээр бичигдэж гишүүн болж, хамтарсан Засагт орчихьё гэж суугаа биз.
Ардчилсан нам ч Монголын томоохон улс төрийн намынхаа байр суурийг ХҮН намд алдаж байх шиг. Дотроо “алалцдаг”, дарга нь бусдын гар хөл болсон намд намын гишүүд нь итгэл алдаж, эхнээсээ намын гишүүнчлэлээс татгалзаж эхлээд байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
