Намынхаа жагсаалтын НЭГДҮГЭЭРТ бичигдэж НОГООН гэрлээр ямар ч өрсөлдөгчгүй, зүгээр л намынхаа энгийн нэг гишүүдийн дэмжлэгээр ГИШҮҮН болж байгаа Л.Гантөмөр.
“Малийсан, гэмгүй” царайтай Л.Гантөмөр сонгууль болоогүй байхад ГИШҮҮН болчихсон яваа. Сөрөг хүчин гэх нэрээр “Шантааж” хийж байгаад ч хамаагүй ХАМТАРСАН ЗАСАГТ орохыг хүсэгч.
Тэгвэл түүний талаарх цөөн мэдээллийг түүвэрлье.
НЭГ: БСШУ-ны сайд асан, АН-ын дарга Л.Гантөмөрийн охин Г.Хулан нь АНУ-ын Брауны их сургуульд мэдээллийн технологи, компьютерийн шинжлэх ухаан чиглэлээр суралцахаар БЗС-аас 127 мянган ам.долларын зээл авч суралцсан байдаг. Энэ зээлийг Л.Гантөмөр өөрөө охиндоо олгосон.
Түүнчлэн Боловсрол, соёл, шинжлэх ухааны сайд байхдаа 40.6 тэрбум төгрөгийн БЗС-ийн зээлийг чөлөөлсөн. Энэ чөлөөлөлтүүд бүгд хууль, дүрэм, журмын бус гэж зарим иргэн хууль хяналтын байгууллагад гомдол гаргаад байгаа.
Эргэн санавал, аудитын дүгнэлтээр сургалтын төрийн сан нь зарим суралцагчдад сургалтын төлбөр дээр амжиргааны зардлыг илүү олгосон зөрчил илэрч байжээ. Эдгээр суралцагчдын дунд Л.Гантөмөрийн охин Г.Хулан багтсан байдаг бөгөөд хоёр ижил нэхэмжлэлээр давхардуулж 4 удаа гүйлгээ хийж 151.000 доллар буюу 500 гаруй сая төгрөгийг илүү олгосон байна.
ХОЁР: Л.Гантөмөр Боловсролын сайд байхдаа Сайнтлоги хэмээх шашны гаж урсгалын хичээлийг 32 мянган багшид заасан тухай ч баримтууд хөврөх болсон. Сайнтлоги хэмээх шашны гаж урсгал нь АНУ-аас гаралтай бөгөөд хүний тархийг угаадаг, сэтгэл санааны мэдрэмжүүдийг байхгүй болгож сэтгэх чадваргүй болгодог аж.
ГУРАВ: Өнгөрсөн онд УИХ-ын Хянан шалгах түр хорооноос зохион байгуулсан нүүрсний сонсголоор Л.Гантөмөрийн нэр ч яригдсан байдаг. Нүүрсний сонсголыг даргалагч Б.Энхбаяр “Ардчилсан намын МҮДН фракцын гишүүд "Акмиконсалтинг" ХХК-ийг үүсгэн байгуулж, “Тавантолгой” ХК-аас хямдаар нүүрс авч, өндөр үнэтэй борлуулан ашиг олдог гэх баримтыг танилцуулсан байдаг. Энд “Акмиконсалтинг” ХХК-ийн үүсгэн байгуулагчид нь Ардчилсан намаас УИХ-д сонгогдон ажиллаж байсан гишүүд болоод хамаарал бүхий этгээдүүд нь байсан ба Б.Нарангоо УИХ-ын гишүүн асан Ц.Баярсайханы охин, Л.Шинэцэцэг УИХ-ын гишүүн асан С.Ламбаагийн охин, Б.Жаргалан УИХ-ын гишүүн асан Н.Батбаярын охин, Азбаяр УИХ-ын гишүүн асан Р.Амаржаргалын хүү, А.Туул УИХ-ын гишүүн асан Л.Гантөмөрийн эхнэр, УИХ-ын гишүүн асан Д.Зоригт, УИХ-ын гишүүн асан Д.Эрдэнэбат багтдаг гэсэн нь бий.
Л.Гантөмөр намын дарга болоход олон хүн гайхаж байв. Аргагүй биз. Улс төрөөс холдсон тэрбээр гэнэт намын даргын дүрээр гарч ирсэн. Л.Гантөмөр чадварлаг, лидер улстөрч биш. Гэхдээ “Лам олдохгүй бол буцахдаа гэлэн гуайгаа залахаас өөр арга алга” гэдэг шиг дарга хийчих боловсон хүн олдоогүй тул түүнийг тавиулаар тавьжээ. Ингэж бүлэглэлийг төлөөлж намын дарга болсон Л.Гантөмөр “амиа” л бодож. Жагсаалтад орж, ямар ч хүч, хөдөлмөр шаардахгүйгээр ГИШҮҮН болно.
Нэгэн ярилцлагадаа “Би ард түмний талд зогссон. Тийм учраас би ялна” гэжээ. Одоо үед би биш бид л гэдэг хандлага бий болсон. Харин Л.Гантөмөр гуай “ХАР АМИА” боддог нь БИ гэх үзлээс харагдаж байх аж.
Тиймээ та ялсан, зүгээр сууж байгаад ГИШҮҮН боллоо. Танд баяр хүргэе.
Төр.мн
Like
0
Зөв
0
1
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
