2024 оны Улсын их хурлын сонгуулийн сурталчилгаа өнөөдрөөс эхэлж байна. Сүхбаатар, Чингэлтэй дүүрэгт МАН-аас нэр дэвшигчид Сонгуулийн сурталчилгаагаа албан ёсоор эхлүүллээ.
УИХ-ын гишүүн, Цахим хөгжил, харилцааны холбооны сайд, нэр дэвшигч Н.Учрал нээлтийн үеэр дараарх зүйлийн онцлон дурдлаа.
Тэрбээр “Тусгаар Монгол улсын төв цэг, Нийслэл Улаанбаатар хотын голт зүрх, хоймор болсон Сүхбаатар, Чингэлтэй дүүргийн иргэд, сонгогч, та бүхний мэндийг эрье. Та бидний цахим хаяг, сошиалд түгээдэг зүйлс, хувийн хобби, мөрөөдөл өөр ч гэлээ иргэндээ ээлтэй, аюулгүй хотод амьдрах, үр хүүхдүүдээ өсгөн хүмүүжүүлэх хүсэл зорилгоороо адилхан. Миний бие Та бүхнийхээ эрүүл энхийн ерөөлөөр ДАХИН ТӨРСӨН, ЭРГЭН ИРСЭН учраас, иргэндээ ээлтэй, ИЛҮҮ ХУРДАН хотоо угсран босгох эрч хүчтэйгээр нэр дэвшиж байна. Бид бүтэн багаараа 20 минутын дотор хүний хэрэгцээ цөм бүрэн хангагдах ХУРДАН ХОТОО Улаанбаатарын голт зүрх болсон Сүхбаатар, Чингэлтэй дүүргээс эхлүүлэх гэж иж бүрэн ажлын төлөвлөгөөгөө иргэддээ танилцуулах уулзалтаа өнөөдрөөс эхлүүлж байна.
Эргэж буцдаг сэтгэлийн хөдлөл, элдэв хөөсрөлөөр биш их өгөгдөл, юмсын интернэт, инженерийн иж бүрэн тооцоолол, иргэдийн санал санаачилга дор ИЛҮҮ ХУРДАН хотоо бид хамтдаа бүтээнэ. ИЛҮҮ ХУРДАН хотоо угсран босгох иж бүрэн төлөвлөгөөг маань дэмжинэ гэдэгт итгэлтэй байна” гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
