Монгол Улсын ерөнхийлөгч У.Хүрэлсүхийн квотоор Ерөнхийлөгчийн зөвлөх Б.Даваадалай МАН-аас Архангай, Баянхонгор, Өвөрхангай аймагт нэр дэвшиж байна.
Эдийн засагчаар дүүрэн их хуралд дахиад л эдийн засагч хүн байх шаардлага ч байхгүй. Аа гэхдээ “МАНАН”-аас өөр шинэ төрх хэрэгтэй нь хэрэгтэй.
Тэгвэл Ерөнхийлөгчийн зөвлөх Б.Даваадалай шинэ дүр төрх юм уу гэтэл үгүй ажээ. МАН-д гишүүнээр элсээд нэг жил гаруй болж байгаа тэрбээр Сангийн сайд Б.Жавхлангийн “ХАЛААСНЫ ХҮН”. Түүнийг дагалдаж яваад Ерөнхийлөгчийн хажууд очсон түүхтэй.
Нэр цэвэр юм уу гэтэл “МАНАН”-гийн хойд дүр нь байх аж. Ах дүүгээрээ төрд орох гэж улайрдаг, ахан дүүсээрээ нам хэсэж явдаг, гэр бүлээрээ өөр өөр намд, байр суурь эзэлж, аль боломжит нэг нь ТӨРД орохоор зүтгэдэг явдал газар авсан. Түүний нэг нь Б.Даваадалай аж. Б.Даваадалайгийн төрсөн ах Б.Цэдэв нь АН-ын “хорыг” найруулж явдаг нэгэн гэх бөгөөд 2020 онд УИХ-ын гишүүн Д.Ганбатын сонгуулийн менежерээр ажиллаж байсан нэгэн аж.
Ах нь АН-ынх, өөрөө МАН-ынх. Ингээд МАНАН бүлэглэлийн хойд дүрүүд Улсын их хурлын гишүүн болохоор улайран зүтгэж буй нь энэ аж.
Хүнээ сайн харж сонгохгүй болвоос МАНАН мафийнхан хойд дүрээ илгээсээр байна. "Би ерөнхийлөгчийн зөвлөх хүн, УИХ-ын гишүүн болох нь тодорхой" хэмээн халамцуухан ярьсан тухай хэвлэлийнхэн чих тавьсан байх аж.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
