Ардчилсан намын гайгүй сайн эмэгтэйчүүдийн оронд бусдыг өмссөн зүүсэн, гадаад үзэмжээр ялгаварлан гадуурхдаг, сошиалаар дайралт хийдэг, эд мөнгөний шуналтай гэмээр нэгэн эмэгтэйг баруун бүсэд нэр дэвшүүлжээ. 

Тэр бол Цогтоогийн Одонтунгалаг гэх эмэгтэй. Эмэгтэй улс төрч дундаа таагүй түүхтэй эмэгтэй. Бас АН дотроо лидер ч биш нэгэн.

АЖИЛТНУУДЫНХАА ЦАЛИНГААС ИЛҮҮЧИЛДЭГ ГЭВ ҮҮ?
      Ц.Одонтунгалаг “Зорчигч тээврийн нэгтгэл” орон нутгийн өмчит, аж ахуйн тооцоот үйлдвэрийн дарга байхдаа салбарынхандаа “ГОЛОГДОЖ” явсан. НИТХ-ын төлөөлөгч байхдаа Ц.Одонтунгалаг 2012-2016 онд Зорчигч тээврийн нэгтгэлийн даргаар ажиллаж байсан. Тухайн үед байгууллагынхаа 370 гаруй ажилтныг хууль бусаар халж байсан гэх бөгөөд  иргэдийн төлөөлөл болон “Зорчигч тээврийн нэгтгэл” ОНӨААТҮГ-ын үйлдвэрчний эвлэл зэрэг 370 ажилтан Хан-Уул дүүргийн иргэний хэргийн анхан шатны шүүхэд хандсан талаараа хэвлэлийн хурал хийж байлаа. 
    НИТХ-ын төлөөлөгч Ц.Одонтунгалаг нар нь ҮЭ-ийн үйл ажиллагаанд хөндлөнгөөс оролцож ҮЭ-ийн тухай хууль болон Хөдөлмөрийн тухай хуулиудыг удаа дараа ноцтой зөрчсөнийг хууль хяналт, шүүхийн байгууллага тогтоосон. Ц.Одонтунгалаг нь 2013 оны 2-р сарын цалингаас Эрүүл мэнд, Нийгмийн даатгалын татварыг хуульд заасан хэмжээнээс илүү хувиар суутган авсан байдаг. Мэргэжлийн хяналтын байгууллагын тогтоосноор нийт ажилчдаас 6-9 орчим сая төгрөг илүү суутган авсан байна” гэж мэдэгдэж байв. 

Мөн ажилчдын цалин, ээлжийн амралтын хоног, мөнгө дутуу олгодог, хууль бусаар түлшний суутгал хийж байсан нь Мэргэжлийн хяналтын байгууллагын шалгалтаар тогтоогдсон нь энэ хүнийг байгууллага удирдах чадваргүй гэдгийг харуулж байна. Тиймээс асуудлыг шийдвэрлэж хууль бусаар халагдсан ажилчдыг эргүүлэн ажлын байртай болгох ёстой” гэж байжээ.

ТАТВАР ТӨЛӨГЧДИЙН МӨНГӨНӨӨС АВМААР БАЙНА ГЭЖ УЛАЙРАХЫН УЧИР 
     2012 оноос хойш үйл ажиллагааны зардал гэж Нийслэлийн нэг төлөөлөгч улиралд 13.5 сая төгрөгийн урамшуулал авсаар ирсэн байдаг. Жилдээ 54 сая төгрөг авдаг бөгөөд 45 төлөөлөгч жилдээ хоёр тэрбум 430 сая төгрөг авна. Тэгвэл Нийслэлийн Иргэдийн Хурлын төлөөлөгчдөд улирал тутамд олгодог эл урамшууллыг С.Амарсайхан НИТХ-ын дарга байхдаа хүчингүй болгосон байдаг. Гэтэл хэл амтай, хэрүүл тэмцэлтэй эмэгтэйчүүд “ЗАРГА” үүсгэсээр байгаад урамшууллаа эргүүлэн авахаар болсон байдаг юм. Ингэхдээ мөнгөн дүнг нь буруулсан нь хэсэг хүмүүсийн дургүйг хүргэв. Ингээд зогсохгүй тухайн үед НИТХ дахь АН-ын бүлгээс С.Амарсайханыг огцруулах тухай асуудлыг ч хөндөж байсан түүхтэй. 

Хаана юунд зарцуулдаг нь тодорхойгүй мөнгөн урамшууллыг авахаар уйлайран зүтгэж хурлынхаа даргад хуурай “агсам” тавьж байсан хүн нь Ц.Одонтунгалаг. 

Ц.Одонтунгалаг: Урамшууллыг өгөх юм уу? Үгүй юм уу? Бид таниас хувиас чинь авах гээгүй. Төсөвтөө суулгачихсан мөнгө шүү. Ямарч цалингүйгээр энэ олон мянган иргэнд яаж үйлчилж, ажиллах юм бэ” гэж НИТХ-ын даргын өрөөгөөр орж гарснаа нуусангүй. Бас татвар төлөлөгчдийн мөнгөнд "шунаж” авах гэж улайрч байгаагаа ч илчилсэн байдаг. 

Таны төлөө ажиллаад өгье гэж гэж алга тосон төлөөлөгчөөр сонгогчихоод мөнгөгүй би яаж ажиллах юм гэж ялхархаж ажил хийдэг эмэгтэй аж. НИТХ-ын төлөөлөгчид тойрогтоо ажиллаж байгаа нь өдрийн од мэт харагддаг нь чин үнэн.

Гэтэл Иргэдийнхээ нэрийн өмнөөс тойрог төлөөлж байгаа төлөөлөгчид иргэдийн эрх ашгийг урьтал болгохоос илүү урамшууллаа авах гэж үүд хаалга сахиж суудаг байх гэж. Ийм түүхийг бичиж үлдээсэн Ц.Одонтунгалаг зааны гэргий гэх дүрээр өөрийгээ рекламдаж УИХ-ын сонгуульд нэр дэвшиж яваа. 

ИХЭД САЙХАН ГЭРГИЙ, САЙХАН СЭТГЭЛТЭЙ ГЭХ ДҮРЭЭР ТОДРОХ ГЭСЭН Ц.ОДОНТУНГАЛАГ ЭНЭРЭНГҮЙ ЭМЭГТЭЙ БИШ ЭЭ. 

     Амиа алдсан иргэнийг хэрэгтэн хэмээн цоллож ч явсан ч удаатай. Санаж буй бол 2021.02.09-ны өдөр Сүхбаатарын талбайд төрийн дээд одон, медаль гардуулахтай зэрэгцэн нэгэн иргэн өөр дээрээ бензин асгаж, өөрийгөө шатаасан харамсалтай хэрэг гарсан билээ. Чухам яагаад өөрийгөө шатаах болов, хэн байв, юу хийдэг байв гэдгийг цагдаагийн байгууллагаас мэдээлж амжаагүй байхад Ц.Одонтунгалаг сошиалд өөрийгөө шатааж нас барсан залууг гэмт хэрэгтэн байсан гэж дүгнэв. Ц.Одонтунгалаг “Гэмт хэрэгтэн нөхөр байж шатсан хүн. Захиалгатай байх магадлалтай л юм байна. Засгийн газрын л буруу ш дээ. Мөнгө өгөхгүй ….” гэжээ.

     Хүний амь нас эндчихээд байхад гэмт хэрэгтэн, “хүн биш” гэх хандлагаар ийнхүү бичсэн түүний үйлдэл үнэхээр жигшмээр байсныг нуух юун.
Нэр дэвшигч Ц.Одонтунгалаг нөхрийнхөө нэрээр Баруун бүсэд нэр дэвшиж буй. Түүний нөхөр Увс аймгийн Тэс сумын уугуул, Улсын заан Дамирангийн Бумбаяр бөгөөд төрд “ШАХАА” хийдэг бөх гэхээсээ илүү бизнесмэн нэгэн. 

     НИТХ-ын төлөөлөгчийн урамшуулалд шунан дурлаж, улайрч байсан Ц.Одонтунгалагийн төрд ажиллаж байхдаа гаргасан хөрөнгө орлогын мэдүүлгийг эргэн нэг сөхвөөс 3.7 тэрбум төгрөгийн найман орон сууцтай, үйлчилгээний гурван барилгатай, 396 сая төгрөгийн хоёр ширхэг Лексус-570 автомашинтай, 1.2 тэрбум төгрөгийн найман газартай нэлээн бийлэгжүү нөхөр байж. Чухам төлөөлөгчийн мөнгийг авахаар хаалга үүд сахин суудаг нь эд мөнгөний шуналтайг илтгэх шиг. 

Төрд ажиллана басхүү төрд шахаа хийдэг эмэгтэй аж. Ц.Одонтунгалагийн нөхөр Улсын заан Д.Бумбаяр “Шадар дайван” ХХК-иараа төрд “шахаа” хийдэг ажээ. Тухайлбал, 

Ц.Одонтунгалаг нь “Зорчигч тээврийн нэгтгэл” ОНӨААТҮГ-ын даргаар ажиллаж байхад нөхөр Д.Бумбаяр “Шадар дайван” ХХК-иараа “Зорчигч тээвэр-3” ОНӨААТҮГ-т автобусны дугуй нийлүүлж байх аж. 

2020 оны хоёрдугаар сард 6.4 сая төгрөгийн дугуй нийлүүлсэн нь шилэн дансанд бүртгэгдсэн байна. Д.Бумбаяр “Шадар дайван” ХХК-иараа Нийслэлийн ЕБС-иудад Үдийн цай нийлүүлдэг баримт ч байх аж. 

     Сайхан гэргийн дүрээр сонгуулийнхаа ПИАР-ыг хийж яваа хатагтай Ц.Одонтунгалаг ийм л хүн байх ажээ. Бизнестэй бийлэгжүү атлаа татвар төлөгчдийн мөнгөнд шунадаг, төрд шахаа хийдэг, ашиг сонирхолтой зөрчилтэй гээд цөөн хэдэн бармитыг нь сөхөхөд харагдана.

Баруун бүсийн шинэ сонголт нь лав Ц.Одонтунгалаг биш шүү. 

Төр.мн