Сонгинохайрханчууд Н.Алтанхуягийг хүлээж аваагүй нь сонгуулийн сурталчилгаагаа зогсооход хүргэжээ

Төр.мн I www.tur.mn

2024-06-24

Сонгинохайрханчуудыг бүхэл бүтэн найман жил төлөөлж УИХ-д суухдаа “Сүнстэй парк”-аас өөр юу ч хийгээгүй Н.Алтанхуяг өнгөрсөн долоо хоногт “Сонгуулийн сурталчилгаагаа зогсоолоо” хэмээн сүр дуулиантайгаар зарласан.

Гэтэл энэ нь цаанаа учиртай байж. Өөрөөр хэлбэл, парламентад Сонгинохайрханчуудыг найман жил төлөөлж ажиллахдаа нүдэнд харагдаж, гарт баригдах юу ч хийгээгүй тэрбээр энэ удаад гурав дахиа ирсэн ч багтаж шингэх орон зай байгаагүй учраас аргагүйн эрхэнд сурталчилгаагаа зогсоожээ.

Хэзээнээс хулхидаж, хуурч сурсан тэрбээр сурталчилгаагаа зогсоосноо өөрөөр тайлбарлан, улс төртэй холбосон. Гэвч бодит байдал дээр Н.Алтанхуягийг Сонгинохайрхан дүүргийнхэн хүлээж аваагүй байна. Тэр бүү хэл, иргэдийн итгэлийг нэгэнт алдчихсан түүнийг дахин хүлээн авахгүйгээ илэрхийлээд “Бид дахин хууртахгүй” гэх үгийг явсан газар бүрээсээ сонссон тэрбээр маш муу рейтингтэй яваа учраас сурталчилгаа хийх шаардлагагүй гэж үзсэн бололтой “буугаад өгчихсөн”. Тэгвэл Н.Алтанхуяг СХД-т яагаад ийм нэр хүндгүй болов.

Сонгинохайрханчуудыг УИХ-д төлөөлөн ажилласан Н.Алтанхуяг 2011 онд Толгойтын 42 дугаар сургуулийн дэргэд ганц тоглоомын талбай барьсан нь хүүхдийн аминд хүрч, улмаар үйл ажиллагааг нь зогсоосноор өдгөө “Сүнстэй парк” нэртэй болж үлдсэн. Ашиглалтад ороод гурав хонолгүй хаалгаа барьсан шалтгаан нь тухайн үед паркын хашаан доторх орчин, тоглоомын хэрэгслийг “Хүүхдэд нэн аюултай” хэмээн үзэж улсын комисс хүлээн авахаас татгалзсан байдаг.

Гэтэл энэ хашаанд хүүхдүүд нууцаар орж тоглож байгаад нэг нь аюулгүй байдлын шаардлага хангаагүй тоглоомын сэгнээс унаж амиа алдсан харамсалтай хэрэг гарсан. Үүнээс гадна олон хүүхэд хөл, гар, эд эрхтэнээ гэмтээсэн нь эцэг эхчүүдийн эмээдэг газар болсон юм. Өдгөө тус паркын орчимд хүүхэд бүү хэл том хүн явах боломжгүй, төмөр тоглоомын сэгээр дүүрсэн архичин тэнүүлчдийн орон болон хувирсан. Н.Алтанхуяг анх уг “Сүнстэй парк”-ыг татвар төлөгчдийн мөнгөөр барьснаа тас нууж, Кёкүшюзан Д.Батбаяртай хамтран өөрсдийн хөрөнгөөр барьсан мэтээр улс төрийн шоу хийж байсан.

Гэтэл тухайн бичил паркыг улсын төсвийн хөрөнгийн 470 сая төгрөг буюу одоогийн ханшаар нэг тэрбум 450 сая орчим төгрөгөөр барьсныг иргэд хожим мэдсэн байдаг. Энэхүү балагт хэргээс үүдэлтэйгээр Сонгинохайрханчуудаас нүүр бууруулан Увс аймаг руу зугтсан ч мөн л Увсад олигтой ажил хийгээгүй учир Эрдэнэт рүү дүрвэж байгаад дахин ирсэн Н.Алтанхуягт Сонгинохайрханчууд хатуухан сануулга өгч, хүлээн авахгүйгээ илэрхийлсэн нь сонгуулийн сурталчилгаагаа зогсооход хүргэсэн бололтой.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Зочин - 1 жил өмнө

хариулах

Ард түмнийг үргэлж хулхидаад явна гэж ч юу байхав дээ. Алтанхуягийн одоо чи болноо, 60 хол гарчихлаа, арай гайгүй байгаа дээрээ залуу авгайгаа хэдэн жил тэврээд хэвтэхээ бод. Хэнз хүүхдүүдээ хараад гэртээ аятайхан бай..