Монгол Улсын их хурлын ес дэх удаагийн сонгуулийн санал авах өдөр маргааш буюу 6-р сарын 28-нд болно. Иргэн та эрхээ эдэлж, иргэний үүргээ биелүүлж сонгуульд идэвхтэй оролцож саналаа өгөөрэй. Энэ удаагийн сонгууль холимог системээр, бүсчилсэн тойргоор, анх удаагаа 126 төлөөллийг сонгох түүхэн сонгууль болохоороо онцлог. Энэ ч утгаараа нэр дэвшигчдийн ч тоо нэмэгдэж 126 суудлын төлөө 1400 орчим нэр дэвшигч өрсөлдөж байгаа юм. Унасан бөхөд шалтаг мундахгүй гэдэг шиг сонгуульд иргэдийн санал авч чадаагүй, ялалт байгуулж чадаагүй 1200 гаруй хүн гомдож үлдэнэ.
Эрх мэдэлд тэмүүлж, сонгуулийн үйл ажиллагаанд их хэмжээний мөнгө зарцуулсан нэр дэвшигчид ямар ч хамаагүй арга ашиглаж, иргэдийг ТУРХИРЧ мэдэх юм.
Улс төрийн нам, нэр дэвшигчдээс сонгуулийн үр дүнг хүлээн зөвшөөрөхгүй байж, жагсаал цуглаан зэрэг нийтийг хамарсан эмх замбараагүй байдал үүсгэхэд чиглэсэн хууль бус уриалга, өдөөн хатгалга явуулахыг үгүйсгэх аргагүй юм. Иймээс үймээн самуун, бусдыг өдөөн турхирсан аливаа жагсаал цуглаанд оролцохгүй байж бусдын сонголт, олонхын үзэл бодолд хүндэтгэлтэй хандаж, бусдын сонгох сонгогдох эрхийг хүндэтгэхийг уриалж байна.
Нэмж мэдээлэхэд энэ жил саналын хуудсыг санал тоолох машинаас гадна 100 хувь дахин гараар тоолж баталгаажуулах юм. Түүнчлэн Сонгуулийн үйл ажиллагаанд олон улсын байгууллага, ТББ-ууд, улс төрийн нам, иргэдийн төлөөлөл хөндлөнгийн хяналт тавьж буй.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
