“Парис-2024” зуны олимпын наадмын чөлөөт бөхийн эмэгтэйчүүдийн 53 кг-ын жинд хүч үзсэн “Белград-2022” дэлхийн аварга шалгаруулах тэмцээний мөнгөн медальт, ОБЕГ-ын “Аврагч” спорт хороо, үндэсний шигшээ багийн тамирчин Б.Хулан Японы Фүжинамид өвдөг шороодсон.
Харин Японы бөх финалдаж манай тамирчин дэлхийн аварга, АНУ-ын Доминик Пэрриштай дагах барилдаан хийхээр боллоо. Б.Хулангийн хувьд 2022 оны Сербийн нийслэл Белград хотноо болсон дэлхийн аварга шалгаруулах тэмцээнд алтан медалийн төлөөх барилдаанд Пэрришт 4:2-оор ялагдаж байсан.
Энэ удаа түүнийг зайлшгүй ялж байж олимпын медалийн төлөө барилдах боломжоо нээнэ. Хэрэв АНУ-ын бөхийг ялж чадах юм бол олимпын хүрэл медалийн төлөөх барилдааныг "Токио 2020" олимпын наадмын мөнгөн медальт Хятадын бөх Пан Чианютай хийх юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
