Улсын аварга Н.Батсуурь, Улсын арслан Р.Пүрэвдагва тэргүүтэй бөхчүүд допинг хэрэглэсэн тухайгаа өөрсдөө хүлээн зөвшөөрч, ард иргэдээс уучлалт гуйгаад өнгөрсөн. Цолыг нь хураах нь битгий хэл, ёсзүйн хариуцлага ч хүлээлгээгүй.
Гэтэл 2014 оны Ардын хувьсгалын 93 жилийн ойн их баяр наадмаар тав даван Монгол улсын начин цол хүртсэн Б.Суманчулуун, Н.Адъяабат нарыг допинг хэрэглэсэн гэж ГҮТГЭН, улмаар цолыг нь хурааж байсан удаатай. Дээрх бөхчүүд огт допинг хэрэглээгүй гэдгээ удаа дараа мэдэгдэж, хэлж байсан ч Начин цолыг нь хурааж авч байв.
Энэхүү үйл явдал цол хураасан анхны бөгөөд эцсийн үйлдэл байсан юм. Учир нь түүнээс хойш допинг хэрэглэсэн бөхчүүдийн цолыг хурааж байгаагүй бөгөөд зөвхөн барилдах эрхийг нь хасаж байсан юм. 2014 онд дээрх хоёр бөхийн цолыг нь хурааж авч, олон нийтэд допинг хэрэглэсэн гэх ойлголтыг төрүүлсэн, бөхчүүдийн нэр хүндэд халдсан.
Тэгвэл дээрх цолоо хураалгасан бөхчүүд допинг хэрэглээгүй тухайгаа бөхийн холбоонд гаргаж удаа дараа шинжилгээ өгч баталгаажуулснаар хэрэглээгүй гэдэг нь шүүхээр нотлогдлоо.
Ингэснээр Монгол улсын Ерөнхийлөгчийн 2021 оны 09 дүгээр сарын 17-ны өдрийн 42 дугаар зарлигаар Б.Суманчулууны начин цолыг сэргээж, начин цолыг хүртээлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
