Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч Л.Хосбаяр Азийн сангийн Монгол дахь суурин төлөөлөгч Сара Тэйлортой уулзлаа.
Уулзалтаар “Ус хангамж, ариутгах татуургийн үйлчилгээ үзүүлэгч байгууллагуудын хэрэглэгчдэд үзүүлэх үйлчилгээг сайжруулах” төсөл болон “Азийн тэсвэртэй хотууд” төслийн төлөвлөгөөг танилцууллаа.
Энэ үеэр “Ус хангамж, ариутгах татуургийн үйлчилгээ үзүүлэгч байгууллагуудын хэрэглэгчдэд үзүүлэх үйлчилгээг сайжруулах” төслийн хүрээнд ажлын хэсэг байгуулах, цахим нэгдсэн системийг шинэчилж, нэгдсэн мэдээллийн санг байгуулах, цахим системийг хөгжүүлж, хэрэглээний төлбөр төлөлтийг нэмэгдүүлэх зэргээр талууд санал солилцлоо.
Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч Л.Хосбаяр “Цэвэр ус олборлох, дамжуулах, түгээх ажилтай холбоотой бодит өртгийн талаарх олон нийтийн мэдлэг ойлголтыг нэмэгдүүлэх шаардлага байсан. Төслийн хүрээнд иргэдийн мэдлэг ойлголтыг нэмэгдүүлэх ажил арга хэмжээ зохион байгуулагдаж байгаад баяртай байна. Цаашид бид хэрэглэгчдэд зориулсан цахим платформыг хөгжүүлж цэвэр усны хэрэглээ, төлбөр хураамжтай холбоотой мэдээллийг хүргэх ажил үргэлжилнэ. Энэ ажилд дэмжлэг үзүүлэх ажлын хэсгийг байгуулж мэдээлэл солилцож байх саналтай байна” гэлээ.
НЗДТГ, Азийн сан хамтран “Азийн тэсвэртэй хотууд” төслийг Улаанбаатар хотод гурван жилийн хугацаанд хэрэгжүүлэхээр болсон. Уур амьсгалын өөрчлөлтөд тэсвэртэй дэд бүтэц, үйлчилгээний хүртээмж болон чанарыг сайжруулах, эдийн засгийн өсөлтийг хангах, уур амьсгалын өөрчлөлт, байгаль орчны асуудлыг шийдвэрлэх чадавхыг бэхжүүлэх зорилготой дээрх төслийг хоёр үе шаттай хэрэгжүүлнэ. Төслийн эхний шатанд уур амьсгалын өөрчлөлтийг тэсвэрлэхэд чиглэсэн үйл ажиллагааг хэрэгжүүлэх бөгөөд оролцогч талуудын саналыг төлөвлөгөөнд тусгахаар боллоо.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
