Дархан-Уул аймаг Зулзагын голд байрлах 50 жилийн түүхтэй хүүхдийн зусланг дахин сэргээн засварлах ажлын тендер зарласан байна. Зуслангийн сэргээн засварт тусгагдсан тендерийн нийт өртөг 700 сая төгрөг байгаа аж. Энэ жил Дархан-Уул аймгийн 60 жилийн ойг тохиолдуулан хэд хэдэн бүтээн байгуулалт хийгдэх төлөвтэй байгаа аж. Үүний нэгээр 1974 онд ашиглалтад орсон хүүхдийн зусланг бүтэн сэргээн засварлах ажил яригдаж, тендерийг олон нийтэд зарласан байна.
Тус хүүхдийн зуслан 500 хүүхэд хүлээн авах хүчин чадалтай бөгөөд өнөөдрийг хүртэл 300 хүүхэд хүлээн авч үйл ажиллагаа явуулж иржээ. Дархан-Уул аймагт үйл ажиллагаа явуулж буй хүүхдийн зуслан 4-5 байртай бөгөөд өмнө нь хоёр байранд сэргээн засвар хийгджээ.
Өмнө нь тус зусланд бүтэн хэмжээний сэргээн засварлалт хийгдэж байгаагүй. Үүнд хэд хэдэн шинэ зүйлийг тусгаж өгсөн байна.
Тухайлбал, тоглоомын гадна талбай, задгай талбай, хөл бөмбөгийн талбай, задгай театр гэх мэт зураг төслийг гарсан батлуулжээ.
Дархан хотыг залуусын хот гэж нэрлэж ирсэн. Нийт хүн амын дийлэх хувийг залуус эзэлдэг. Иймд Дархан-Уул аймгийн оршин суугчид хүүхдээ стандарт хангасан хүүхдийн зусланд явуулахыг удаа дараа холбогдох албанд хүргүүлсний үр дүнд сэргээн засварлах шийд гарч, тендер олон нийтэд зарлагдсан байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
