Монгол Улсын Ерөнхийлөгчийн урилгаар Бүгд Найрамдах Словени Улсын Ерөнхийлөгч Др.Наташа Пирц Мусар 2024 оны 08 дугаар сарын 20-21-ний өдрүүдэд Монгол Улсад төрийн айлчлал хийх гэж байна.
Монгол, Словенийн хооронд 1993 оны 2 дугаар сарын 18-ны өдөр дипломат харилцаа тогтоосон бөгөөд найрсаг харилцаа, хамтын ажиллагаатай. Тус улс нь 2.1 сая хүнтэй бөгөөд Итали, Австри, Унгар, Хорват улстай хиллэн оршдог. Нийслэл Любляна хотод 300 мянга орчим хүн оршин суудаг байна.
Словени улс нь парламентын засаглалтай Бүгд найрамдах улс бөгөөд Ерөнхийлөгч Наташа Пирц Мусар 2022 оны Ерөнхийлөгчийн сонгуулийн хоёрдугаар шатны санал хураалтад 53.86 хувийн санал авч анхны эмэгтэй Ерөнхийлөгчөөр сонгогджээ.
Дотоодын нийт бүтээгдэхүүн 2023 оны байдлаар 68,108 тэрбум ам.доллар бөгөөд нэг хүнд ноогдох ДНБ-ийн хэмжээгээр (32 мянган доллар) дэлхийд 34 дүгээрт жагсаж байна.
Монгол Улс, Бүгд Найрамдах Словени Улсын хооронд дипломат харилцаа тогтоосны 30 жилийн ой өнгөрсөн онд тохиосон бөгөөд энэхүү тэмдэглэлт ойн хүрээнд хэрэгжих Төрийн айлчлал нь Словени Улсын Ерөнхийлөгчийн түвшинд манай улсад хийж буй анхны айлчлал юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
