Монгол улс шатахууны хомстолтой нүүр тулж байна. Энэ цаг үед жолооч нар хүлээцтэй хандан, шатахуунаа 30.000 хүртэлх төгрөгөөр худалдан авч хөдөлгөөнд оролцож байгаа. Гэтэл сайны хажуугаар саар гэгчээр шатахуун түгээгүүрийн газрууд болон иргэд хоорондын маргаан тасрахгүй нь. Тодруулбал, Петровис ШТС-д бензин авахаар 2-3 цаг оочирлож зогссон жолооч нарт зөвхөн “Петровис”-ийн карттай хүмүүст үйлчилнэ гээд буцаажээ.
Бухимдсан иргэдээс тодруулахад:
Жолооч Т: "Би яг одоо 3 цаг оочерлолоо. Өдөржин зогссоны эцэст зөвхөн Петровисийн карттай хүнд үйлчилнэ гээд бензин өгсөнгүй. Энэ бол маш буруу зүйл. Шатахуун борлуулж байгаа хүмүүс жолооч нарт тодорхой мэдээлэл өгч тайлбарлаж чадаагүйгээс иргэдийн бухимдлыг хүргээд байна. Анх жолооч нарыг ирэхэд энэ байдлаа хэлсэн болж ийм нөхцөл байдал үүсэхгүй шүү дээ".
Иргэн С: “Би шатахуунаа өдөр бүр л өөр, өөр газраас аваад болоод л байна. Гэтэл энэ хомстлын сургаар Петровис хэрэглэгчидтэйгээ зүй бус харьцаж байгаад үнэхээр уур хүрч байна. Бид үнэгүй авах гэж зогсоогүй. Мөнгөөр авч байна. Гэтэл бидэнд мэдээлэл өгөөгүй байж, өдөржин зогссоны эцэст шатахуунаа авах гэтэл өгөхгүй. Үүнд хэн ч уурлана шүү дээ” гэлээ.
Харин холбогдох албаны хүмүүс өнөөдөр албан мэдээлэл өгсөн бөгөөд “Шатахууны хомстолд орсон хүнд цаг үед иргэд хүлээцтэй хандан, ажилчдыг хариуцлагатай ажиллахыг анхааруулж байна” хэмээн хэлсэн юм.
Like
0
Зөв
0
4
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
