Улсын нэгдсэн төсвийн нийт орлого оны эхний найман сарын урьдчилсан гүйцэтгэлээр 19.9 их наяд төгрөгт хүрч, өмнөх оны мөн үеэс 30.4 хувиар өссөнийг Үндэсний статистикийн хороо тайлагналаа.
Төсвийн тэнцэл 1.6 их наяд төгрөгийн ашигтай гарсан ба өмнөх оны мөн үетэй харьцуулахад энэ нь 13.5 хувиар буурсан үзүүлэлт байна. Тайлант хугацаанд төсвийн тэнцвэржүүлсэн орлого тусламжийн хэмжээ 18.9 их наяд төгрөгт хүрсэн бол зарлага, эргэн төлөгдөх цэвэр зээлийн хэмжээ 17.3 их наяд төгрөг болж, өмнөх оны мөн үеэс 35.4 хувиар өсжээ. Зарлага өсөхөд бараа үйлчилгээний зардал өмнөх оны мөн үеэс 2.6 их наяд төгрөг буюу 95.8 хувиар, хөрөнгийн зардал 969.3 тэрбум төгрөг буюу 40.7 хувиар тус тус өссөн нь голлон нөлөөлсөн байна.
Татварын нийт орлого оны эхний найман сард 17.7 их наяд төгрөг болсон. Өмнөх оны мөн үетэй харьцуулахад 29.9 хувиар өссөн байна. Өсөлтөд орлогын албан татварын орлого 57 хувь, НӨАТ 28 хувь, нийгмийн даатгалын орлого 19.8 хувь, гадаад үйл ажиллагааны орлого 22.4 хувь, онцгой албан татвар 37.2 хувиар тус тус өссөн нь нөлөөлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
