Дорнод аймгийн Халхгол сумын "Хөх өндрийн овоо" гэдэг газарт хээрийн түймэр гарсан тухай дуудлагыг 2024.09.18-ны өдрийн 13:00 цагт ОБЕГ хүлээн авчээ.
Улмаар тус аймгийн Онцгой байдлын газрын Халхгол сум дахь Гал түймэр унтраах, аврах 62 дугаар ангийн алба хаагчид, Ялалт багийн иргэд50 км замыг туулан 14:49 цагт очиж, 01:11 цаг ажиллаж унтраасан байна. Хээрийн гал түймэрт урьдчилсан байдлаар 400га талбай өртөж шатсан байна.
Мөн Дорнод аймгийн Халхгол сумын Ялалт багийн нутаг дэвсгэрт хээрийн түймэр гарсан тухай дуудлагыг өдрийн 02:14 цагт ОБЕГ хүлээн авч Халхгол сум дахь Гал түймэр унтраах, аврах 62 дугаар ангийн алба хаагчид 50 км замыг туулан 04:10 цагт очиж, 01:35 цаг ажиллаж унтраажээ. Урьдчилсан байдлаар хээрийн гал түймэрт 900га талбай өртөж шатсан байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
